ياوطن باكوك خيرك كله ضاع000صار بجفوف الحرامي والمعين
الصين مليارين مابيهم جياع000واحنه خمس مخبطين وجايعين
نفط ماعدهم ولا ميهم مشاع000لكن بحاجة شعبهم حاسين
كلي يادستور هذا المامذاع0000هم عشرين الوزاره احنه اربعين
ياحكومتنه الرشيده الماتباع0000ليش بعتونه لذممكم بايعين
احنه امانه بركبة البيكم شجاع0000وياشجاع الكال دلو التايهين
شعب محرومين من كلشي اليباع000كل سنه راتب شهر متقاعدين
سنته مليونين يطوهن ارباع000وانت كل يوم الك مليون ومعين
العامل العاطل من الحسبان ضاع000والمعامل تكف جي مستوردين
والفلاليح الكبل جانو اسباع000خلي ابشرهم استوردنه العجين
انجان دين الجيتو بيه يرظه الضياع000دينكم الكم واحنه نسوي دين
(((همس ليل)))
