ادور بيك بيه .. بقلمي

ادور بيك بيه اوخفت ما الكاك
اوخفت غيري يشوفك خاف يندلك
اباغت روحي بيك اوكلت ما موجود
وشرد بيك منك وارجع اوصلك
ياهمزت وصل سبحان من سواك
ياحايل ثمر من راسك الجدمك
اولان كلك حلو واجب اغار اعليك
اغار اعليك منك لو شفت ضلك
شمس عل كاع تمشي اونور وجهك نار
يا اترف ترف وذوب من لمسك
يبو الشعر الذهب والعين كمرت لليل
يل كلك غنج وبهل غنج شلك
تدري الناس تحسد والحسد موجود
ونته ابلا وصف شيوصفك اوصفلك
وذا حبيت اوصف بيك شوصف بيك
يلكلك عسل والعسل من كلك
وذا مريت كل الناس توكف تاخذ استعداد
اوتقدملك تحية اوترد تعزفلك
النشيد اعله الوطن غيرنه صار اعليك
ياجمل وطن بعيونه انخلك
تبارك من تبارك ربي من سواك
او عله كل الخلكـ فضلك من فضلك
وبجنت عدن روحك خلقها اهناك
وبصفكه اوهلال حوره زفنك
من نور اعله نور اوميزك عل ناس
وابد ما اعتقد بتراب من لمك
لا .. من غنج كلك والرقه منك بيك
تكتل ونته كلك منكتل منك
اوحرت ما بين شخصك حرت بيك اهواي
اومرات اشتبه مااشوف اشوفنك
ادور عني بيك او بيه ادور بيك
واشوفك بيه من اتشوفني ابرسمك
يعني ..؟
يعني الجسد انته يعني انته الروح
او صرت كلي اعله بعضك بيه شيلمك
واحبك اي احبك ..؟
حب جذب ما حبه كبلي انسان
احبن بيك كلشي او كلشي بيك اهوى
احبن كلشي بيك او بيك احب كلك
احبن كلشي بيك او بيك احب كلك

ــــــــــ
تحياتي للجميع
ــــــــــ
بقلمي

يسلموووو موضوعك كلش حلو نريد اكثر

احبن بيك كلشي او كلشي بيك اهوى
احبن كلشي بيك او بيك احب كلك
احبن كلشي بيك او بيك احب كلك

؟
قصيدة جميلة لكن مكانها الصحيح بالشعر الشعبي تحياتي لقلمك

اخي مغرب حب قصيده جدا رائعه
اختيار مميز يدل عن ذوق جميل في الغزيل
تقبل تحياتي مع ودي
د\ سلام الدراجي

تحياتي لهذا التميز
ايها الرائع لك من القلب جبال
الاحترام تقبل مروري بصفحتك
يالغالي

تحيتي لك اخي العزيز
وعلى روعة مداد قلمك المبدع
كلمات قمة بالتألق
ابدعت بنسجها
تقبل تقديري بروعة دررك هنا
واتنمى لك التوفيق والتألق

بعد التحية والاحترام
شكرا جزيلا لمروركم الكريم والعطر
تحياتي للجميع
دمتم بامان الله ورعايته

فله
شمعه
منوره
اكيد الابداع هي من ميزتك
عاشت ايدك على الكلام الروعه
دون جوان

قصيدة رائعة جداً
في كل سطر من سطورها
صورة تترنم بأعذب الألحان
ولكني أعتقد بأن هذه القصيدة
هي للشاعر المرحوم
عبد الحسين الحلفي
لأني قد سمعتها من قبل
وإن كانت كذلك فأرجو أن لاتكتب تحتها بقلمي
حفظاً للعائدية الأدبية
تحياتي لك

بعد التحية والاحترام
شكرا جزيلا لمروركم الكريم والعطر
تحياتي للجميع
دمتم بامان الله ورعايته

بعد التحية والاحترام
اختي العزيزة
رفيقة القمر
طبعا اول احب ان ارحب بيج وبحضورج الكريم
ثانيا هذه القصيدة بقلمي وليست للاخ عبد الحسين الحلفي
رحمه الله
ثالثا والاهم ارجو التاكد والتدقيق بما تفضلتي به
قبل ان تتصوري او تعتقدي
تحياتي ياوردة