زهـــــــــــيريات..
ياصـــــاح شوف الصبر هلگد خلگ جار الي
ومن عشترتك يا ترف حتى النخل جار الي
الچـان انه جار الك ونت الصدگ جار الـي
حن علي مره بوفه شوف آنه چم مره احن
حين انت نجمة صبح بنجوم ليلك احــن
مريت في صفحتي غنيت حن وانه حن
ومحمداوي الوكت لمن غبت جار الـــــي.
.......
ياصاح بلمي في نهر شوگك تعده وشــله
والجسم شوفه العشگ هالعذبه وشـــــله
يفتر عليه الوكت وشبعد عندي وشــــــله
من حيث دربي من مشيته وياك اضنه عدل
مكروه حكم الزمن ما اضن نوبه عــــــــدل
وهالصرت بمحبتك لا ميت ولا عــــــــــدل
وتگلي وين الدمع دمعي العشگ وشله.
......
يا صاح لمن تمر بارض الموده فتـــــــــن
من حيث اكو بشوگ ينتظرك بلهفه فتآ
مفتون يا زين في حبك گليبه فتـــــــــن
ويصيح غرب قطار المستحه وفاتـــــــــنه
مامات من ذاب گلبه من هوى فاتـــــنه
جن تشتفي الروح بالهم عالگلب فاتنه
وايام الوداع هالحلن بچتلي وفتــــــــن.
تحياتي.
عدي فريد.
