مكطوع اخر عثك..
ونت الكطعته غفل..
بس مو مثل كل كطع..
حزيته من العرگ
ولوما يموت العثك ..
جا ماشكه من النخل..
العثك شايل رطب ..
بول محطه ختنك..
مثلي من اموتآ خنگ
مكتول هوه العمر ..
كلي شيفيد الجوي..
البالنار عايش سنه..
ميخاف من الحرگ
مجبور اكلك خلص..
مابيه حيل انتظر
مليت طعم العشگ
مابي فرح بس دمع..
والضحكه لو وردت
يشلعها من الجذر..
ويلم بقايا القهر
وبدالها ينزرع
ويخضر بكل وكت..
مو مهم عنده الشمس ..
ومو مهم عنده النبع
المهم عنده ربع
يبجون وكت الضحك..
ويغيرون الضحك ونات بيها شجن
تنعزف من الضلع
خايف عليك اشكثر..
شفاف كلك وفه والدنيه ماتنحمل
كاساتها من الصبر..
والصبر ما ينجرع
والليل لو راودك شمسين فوگاك اهل
والناي بيدي ضوه..
وصوت الضوه من يشع
العميان تطرب اله..
والصاحي عنده النظر يگول ما ينسمع
ماينسمع بي حزن..
تارس الدنيه غنه
والدنيه جرت خلگ..
ترگص الحزني رگص ..
چن روحها مسودنه
ونت وعذا ب العمر ..
والجفه وطعم الجفه..
وهموم وكتي وأنه
نشتاگ ونت بهنه
وأگعد انه ولوعتي..
ونحرگ سنين العمر
چن عاگر وخلفت..
ويضيع منها الضنه
ونحرگ سنين العمر..
.مثل الورق ينرمي بحضان نار البدو
التحترك تحترك..والتبقه تبقه بعنه
وحلوات بي چم سنه
بس المصيبه تلم النار ..
وكت الحرگ..
اليابس والاخضر
سوه وماعدها ذاك الخلگ
تگعد تميز الوجه
وبرهدنه تفرزنه
ويحترگ كله العمر..
سبحه وبجف الوكت
والسنه اتعت بسنه
وهم زين عندي خلگ..
من گبل عندي خلگ
منچوي بنار الهوه..
بس ما خذت كل درس
الليل من ينكضي كالو وراه الشمس
والشمس شو ما تجي..
زعلانه من يوم امس
والناس ما عيدت ..
والعيد ضرفه صعب
رايد يجي ومااجه..
وزعلت الناس بجفه
وزاعلت حتى اللبس
وزغار صفو سوه..
صفنو الهذا الوكت
يبجون وبلايه حس
حتى ابجيهم همس
الدنيه ماتستحي..
تضحك ضحك عالجرح
تتغازل ويه الوكت..
وبلوعتك ماتحس
