هم مثلي كلبك ما نسى؟؟؟؟؟؟؟؟؟؟؟؟؟؟
ماردت احبك حاولت ؟
من لفضة اسمك حاذرت
كلمة وشلته من الحجي ومن السان اخفيته
وبيبان روحي مقفله وعن لا احب سديته
صلفه امنياتي الرادتك
سالتني عنك بس صمت كلش ولا حاجيته
كالتلي وينه وجاوبت
ما ادري
ما دليته
وما ردت احس حبك لان كبلك الروح اطيته
ولخاطرك رحت اعتذر منيت بيه لخاطرك
مثل الطفل لمن يمن بحاجته
وياك اعز ناسي انتهو ماكمت احس بعازتك
وبدربي كلت لو مو سوه امشي حياتي بلا درب
يمكن يشح عني الهوى
لا
معقوله ما نمشي سوى
مقوله في لحظه الشمس للكاع ما تنطي ضوه
وننتهي وما نلكي صبح
معقوله يطلعلي جرح
معقوله ريشة شفتك ترسملي بلضحكه رمح
لا
لا موصدك
خلينا من هذا الحجي
بجفوني سوله اعله البجي
وصياد كاعد بلجفن للدمع شايل فالته
وياك اني جن صرت مثل لهلال وهالته
كالولك ايعوفك تره
تذكر كبل كتلي شكلهم
كتلك اي
كلهم لون من يمي تمشي جنازته
هو اني عايشلك لان دمي الاعز ما بلجسد بس انته تعرف حالته
ولما يحس بلمستك يخلص وتبقى وشالته
تذكر جنت من تعتنيلي بلهفتك مشتاك حتى تشوفني
وتلكاني روحي مشككه ولمسات اديك اتروفني
تتركني هسه قررت يطيك كلبك ننتهي وبس بالاحلام اتشوفني
مليت كلي كمت امل
شيحمله ليلي بوحدتي
وجذبت كتلك ينحمل
كتلك لمن تمشي تره
تتركني وحدي جن طفل
تايه وكل اهله مشوا
كلشي ليمر ايفززه حتى الشماته اتفززه
من يمشي ويهب الهوى يلتفت حسباله حجو
لكن لمن يتذكرك حتى الشماته الي لمابجو من شافوا دموعه بجو
هيجي انه من عني رحت ما تسكت ادموعي
ولو دورتك انه بشدتي
شفتك وطن حنيت الك
لكن لكيتك غربتي
وحتاريت بيهن ياهو اصح مابين ذلي وعزتي
اختاريت اعوفك حتى لا
تكسر قرارك دمعتي
ونيت سكته ما ردت يتشمتون بونتي
صح
صح اضحك بنبرة فرح بس ركز بصوتي بعد
تسمع نحيب بضحكتي
هم مثلي كلبك ما نسى
وهم بعد من تمشي درب تذكرني خطواتك بعد
تترك فراغ لخطوتي ؟!
لا تسكت الا بينت
بين اثره بعبرتي
ولا تلتفتلي بس ردت
اطيك اخر ما بقى
وهو شبقى مني خذت كلشي
وبقن دمعات اليك بذمتي
للشاعر ايهاب المالكي
تحیتی یارب تعجبکم
:66 (46):
رد: هم مثلي كلبك ما نسى؟؟؟؟؟؟؟؟؟؟؟؟؟؟
ماردت احبك حاولت ؟
من لفضة اسمك حاذرت
كلمة وشلته من الحجي ومن السان اخفيته
وبيبان روحي مقفله وعن لا احب سديته
صلفه امنياتي الرادتك
سالتني عنك بس صمت كلش ولا حاجيته
كالتلي وينه وجاوبت
ما ادري
ما دليته
وما ردت احس حبك لان كبلك الروح اطيته
ولخاطرك رحت اعتذر منيت بيه لخاطرك
مثل الطفل لمن يمن بحاجته
مو بالكيف هو العشك
شكرا يا نجوى على انتقاء اجمل قصيدة لا اجمل شاعر الا وهو ايهاب الرائع والمميز دائما
رد: هم مثلي كلبك ما نسى؟؟؟؟؟؟؟؟؟؟؟؟؟؟
عاشت الأيادي عزيزتي نجوى
قصيدة جميله وانتقاء رائع
لكِ ارق التحايا
رد: هم مثلي كلبك ما نسى؟؟؟؟؟؟؟؟؟؟؟؟؟؟
عاشت الأيادي عزيزتي نجوى
قصيدة جميله وانتقاء رائع
لكِ ارق التحايا
رد: هم مثلي كلبك ما نسى؟؟؟؟؟؟؟؟؟؟؟؟؟؟
نقل مميز وقصيده جميله
وتحيه الك وللشاعر ايهاب المالكي
رد: هم مثلي كلبك ما نسى؟؟؟؟؟؟؟؟؟؟؟؟؟؟
كلمات اكثر من رائعه
عاشت ايدج نجوى
رد: هم مثلي كلبك ما نسى؟؟؟؟؟؟؟؟؟؟؟؟؟؟
ابداع راقي واختيار جميل
شكرا لك نجوى وتسلم الايادي
رد: هم مثلي كلبك ما نسى؟؟؟؟؟؟؟؟؟؟؟؟؟؟
تحياتي لك ولذوقك الرائع
والف تحيه للمتالق ايهاب
والف تحيه لسموك يالغاليه
رد: هم مثلي كلبك ما نسى؟؟؟؟؟؟؟؟؟؟؟؟؟؟
نورت ابصراحه ابو حیدر
لاانحرم من حضورک فی صفحتی
یسلمووووووو
تحیتی لک
رد: هم مثلي كلبك ما نسى؟؟؟؟؟؟؟؟؟؟؟؟؟؟
رد: هم مثلي كلبك ما نسى؟؟؟؟؟؟؟؟؟؟؟؟؟؟
شكرا يا ذوق على الاختيار الجميل للشاعر الصديق والانسان الرائع ايهاب المالكي تحياتي
رد: هم مثلي كلبك ما نسى؟؟؟؟؟؟؟؟؟؟؟؟؟؟
شکرررررررررررررا
یسلمووووووووووو
تحیتی لکم
