أحس هزني عليك الشوك ياصاح؟
وما ادري زعلنا غلط لو صاح
صوتك بالشدايد علي لو صاح
اجيك امحزم أبروحي الابيه
................................
خفى جرحي ولامن محب حسبه
واكضي الليل حسبه أباثر حسبه
خلص عمري تعال وياي حسبه
وحرام انجان مر الفرح بيه
...............................
عشرتي وياك مايذبل وردها
ودمعتي توصل لرمشي وردها
روحي الك بستان واكطف وردها
اخذ الورد وعوف الشوك اليه
...................................
زماني هموم بيه هموم خله
وقلبي شكد بجه من مات خله
يا لايم لاتلوم القلب خله
خله ينوح خله يعم عليه
.................................
اضل امشي ورى اخيالك واضل لك
ولك شتظن اتيهنك واضلك
لغيرك قسم ما اصيرن واضل لك
واضل وياك حد يوم المنية </B></I>.....................................
تظل نجمه يضي العين بسماي
ويظل اسمك حبيب العمر بسماي
مايروي العطش بجفاك بسماي
العطش ترويه بوصلك عليه
..........................................
الهوى العذري خطف يمنه ولحنه
ولا انت نسيت الحب ولحنه
أصوغ الشعر لعيونك ولحنه
بيات وصبا وانغامه الشجيه
............................
حبك فرض واجب وقبلة
وجمالك منوجد بعدة وقبلة
ردت بس الزم شفافة واقبلة
قبلة بكل صباح وكل مسية
..............................
اسقي ضماي من شفاك وردة
يلخدك جميل تقول وردة
ردية احوالي بين الناس واردة
اذا بالبوسة هم تبخل علية
...........................
ليلي من لهيب الشوك سلواي
وظلت بس دمعتي عليك سلواي
واذا كتلك آنه متت سلwhy
becauseالبعد أثر حيل بيه
..........................
مماراق لي جدا
