يلف بيه .. الزمان اهموم
اعت روحي ويعتـني .. ومايكفي الحـيل يعذبني .. ويهيج كل جرح ملجـوم
يطشرني الحزن وايلمني عمري الفـات
وايدكني الوفه ..
ابجف الليالي انجـوم
روحي وضيعتهه ..
ودورت ملـيت جلجل ليل اهلنه ..
اغيوم فوك اغيـوم
ياعمري الكظه اويه الحسره والشوغـات صاحب غيرهن حزن اليتـيم ايـدوم
فك باب الكلب..
جرحين اجن خطـار ظيفه البات منهن لا تعوفه ايكـوم
يا روحي الفرح ..
سجه ودربهه ايطـول لا تمشين حيلي امن الصبر مهـد وم
من جنتي ابفرح مريوده عد النـاس هسه اسنين عمرج ..
بيج كام اتسـوم
حتى الكلب مل وحظر الغربـيل
حجته اصحاب طشر كل كتر ملمـوم
والناس النحبهم موهذوله النـاس ولا يوم الأمس صبح مثل هاليـوم
بسك ياوكت ..
غنيلي الك غنـيت وافرح ياكلب خلي اليلوم ايلـوم
انه جفوفي الفرات وتروي العطشـان دجله ..
وطيب حاتم بالكياش ايعـوم
كحلت الشمس من مرود امي ابشـوك خجل منهه الكمر لف الليالي اهـدوم
وشربت الخلك ..
ماي الوفه ابكل طـيب الهور ارويحتي وفوكي الحمام ايحـوم
أغني ابكل فرح لوحب جمع كلبـين طور امحمداوي ..
وجرته ام كلثـوم
احط روحي الصبر لمكابر المجـروح واكبر ضحكه حلوه الكل كلب مهمـوم
احب طبعي الوفه ولاساعه اساوم بـيه وحجيت ومابعد ..
سر بالكلب مظمـوم
بس معروف حكمه المثل من ينكـال دومك ياسمج من تنوكل مذ مـوم .
بقلمي ..مع كل احترامي وحبي..
عدي
