الى الشاعر الكبير الصديق..ناظم السماوي..

لك حبي ايها الرائع...ناظم السماوي..
ما ذا اقول لك وانت من كتب هذه الاغاني الرائعة..
( ياحريمه...عشك أخضر..دوريتك..حجيك مطر صيف..لا تسافر..موبدينه..والى الألف اغنية
يا حبيبي هذه القصيدة نظمتها كهدية لك على اهتمامك بي ..شكرا لك..

هديتي لك ايها العم والصديق الحبيب..ناظم السماوي..
..... ........ ...... ......... ............
يناظم طشت الدنيه...عطرها بجفك وجفي
وكبرنه ثنينه حجاية تعال تصيح للمجفي
تعال وخل نعيش بطيب..كلب الما يعرف الطيب غير الضيم شيلفي
يناظم تكبر بروحي
قصيده وروحي بيها تحير
لنك للسوالف شوك..والماي العواطف بير
ياليمك عجز شعري وخجل وصفي
تعال وشوف كلبي وشوف بيه المستحه شسوه
تعال وكلب جروحي..جرح يكبر..جرح يزغر..جرح توه
جرح ينزف عشك عذري..ويكابر عالعمر كوه
وجرح يصرخ وشوفه بضيم..غير اللجم ما يهوه
يناظم كل حرف كلته يهد الحيل
وآنه وياك يالمحبوب..سجه تون عشك للريل
اشوف كلوبنه ولا يات..وتهب عالدروب بفرح ريحة هيل
واحنه الهيل والدله وغناوي الليل
يناظم روحي مهمومه..الهوه لاعب لعب بيهه
يناظم والتحبه الروح..ما يكرب شواطيهه
مايندل وجيبه يشوف..ويرد روحك شبيهه
روحي انت يبعد الروح..يمدلل مأذيهه
بحرف منك تعيش سنين..ويعود الفرح بيهه
يناظم..والله كتله اهواك..وانه منحجيهه تدريهه
يناظم صفحته بكل يوم ..ازورنها بخجل حافي
يناظم..صفحته الحضرة الهوت شباجها شفافي
يناظم عفت انه الصفحات بس بصفحته غافي
يناظم كل مواضيعه شلتهن حرز بجتافي
يناظم كل شعر كلته..عليه وكلهن اوصافي
يناظم عفيه صبر الروح..يهجرها وهي توافي
تذل وتطيح وتكابر ..وكلها تكلي مو كافي
يناظم جن حضنها الكاع..وبعز البرد دافي
يناظم مايها خابط..واحسنه نبع صافي
يناظم ترضى شمع الروح...بليال العشك طافي.

بقلمي.........2010/12/7

لكم مني اجمل التحايا العطرة..شوك..

http://n4hr.com/up/uploads/308f9015a2.gif

يا حبيبي يا رائع...شكرا لدخولك صفحتي..
ياغالي لك كل الحب..شوك ..........

الله الله الله وتستاهل الف كلمات في غاية الروعة وصح لسانك وقلمك ولك اجمل التحايا والمودة

شكرا لك يا راعة ...اضفت سحرا جميلا لحروفي ياغالية
شكرا لك لاناقتك لعطرك الجميل...فاتن الرائعة...

الصديق العزيز والشاعر المتمكن شوك الشفايف
قصيدة جميله لامست شغاف القلب
وحملت الكثير من المعان الرائعه
والصور الشعريه التي تدل على امكانيه متميزه
شكرا لهذا البوح الذي امتعنا حقا
ننتظر كل جديد منك
تحياتي وتقديري

قصيده رائعه بروعتك ياشوك
مزجت بين الشكر للرائع ناظم السماوي وبين العتب والمناجاة للحبيب
شكوى عاشق متيم
شكرا لهذا البوح الراقي
كما عرفتك ياشوك مبدع وذواق في اختيار المفرده
استمر هكذا وسنكون مترقبين
دمت ودام لنا هذا السيل
تحياتي

عرفتني مبدعا وعرفتك اروع...
كم يعجبني ذوقك..وهدوءك في التعلق..
وابتكار الجمل الجديدة التي تحمل حروفها جرسا
لو سمعته الريح لابدلت سمفونيتها الجميلة بتفاصيل
لحن حروفك الجميلة ...دمت لي أختآ ارفع الرأس بثقافتها..
يا رائعة..شكرا..

يستحق هذا العملاق ان تكتب عنه قصيدة شكرا لك شوك

شكرا لك..ايها الرائع..الامير سامر..مع ودي لمرورك..شوك.

ما ظن يقبل اللاعب سراگي الادب والكلمه

يخلي البيت عايز لازم يحكمه

ويحط شطور فوك شطور ويحزمه

ويجيبه ملفلف ملبلب بدين الناس تتعلمه

هذاك ابن السماوه الشاعر المفطوم

دك ساس الشعر بمراصف الجلمات وبحكمه

0000000

تقبل مروري ومداخلتي عزيزي عدي مع الود الكبير 0

ما اعرف ..شاكر الهلالي شنو كان ردك..
نعم اني الشاعر عدي فريد..الي لي لقاآت كثير..
على الفضائيات واني ايضا اتشرف لاني ابن الشاعر الكبير الكبير الكبير..
غازي ثجيل..الي كتب اغنية مسافرين..وحلوين وضيعوني.. و و و
وناظم السماوي طبعا صديقي وصديق العائلة كما مظفر النواب صديقي
ما اعرف اذا امكن توضيح ..هذا التعليق غامض عليه...

الدراجي مجهودك كان اروع..

تحياتي لك اخي العزيز........... انها كلمات تقطر محبة ووفاء واعجاب
اخوك عماد الدليمي

شكر لك ولكن ما البحر الذي اتبعنه

حبيبي الغالي عماد الدليمي لك كل الحب..

الله يامبدع تقبل مروري المتواضع

على العكس مرورك مشرف ياغالي...ياشاعر..احبك