اليك يا رائعة..
(..مفتـــــون بغرامك فاتن انت الروح..)
حيل اتجاوزت بس اعتذر خجلان....مو بيدي اعتذر والله مو قصــــــــدي
لمت روحي بحزن بس شيفيد اللوم...لو ينفع ينشف ادموع البخدي
حبيتك عشك ذوبت بيك الروح...نثيه رويحتي وعشاك ماعنـــــــــــدي
وذليت بمحبتك ونت ماحسيت...منك شوك جدوه ارويحتي تجـــــدي
أنه طبعي صلف بس شعجب وياك..طيبه تفيض روحي حبوبهه تبدي
جنت ماشايفك ورسم صور بالبال...عاشك جن صفيت ومنهو البكدي
اضل اتخيلك بالبال واوصف بيك...خدك برتقالي شفـــــــــــــــــايفك وردي
ومثل ما صوريتك انت ذاك وذاك...طولك ضحكتك سكــــــــــــتاتك التشدي
دلالك رقتك شــــــعرك رموش العين...جنها اســــــهام مي تفوت وتعدي
انهجم بيت الليالي وبيت الانترنيت...آنه ويه العشك يا صحاحبي شعندي
احب الكمبيوتر جي ربطني وياك...وجني مسودن اصعد واحضـــن اكردي
ابو المنظومه مل كل ساعه ادكله الباب...ها نتك ضعف ها ينكطع عندي
ها يفصل الجات وها الكوكل راح...هامنظومتك شعلتلي جد جــــــــــدي
ها موعدي اوياها اليوم يابو سعود...يا بوسعود ترضى تعوفني الوحدي.
مع حبي بقلمي...
