يحيرني صبر عباس وصفه شلون
كافل زينب المهيوب راعي الدرع والرايه
بطوله وتضحيه احتل النهر عطشان
واتذكر حسين وما شرب مايه
وهزتني مشاعر ثلة الانصار
من وگفوا صفوف دروع حمايه
برير ومن زهير ومن حبيب دروس
اخذ منهم صبر واتعلم الغايه
الغايه العدهم يبذلون لجل الدين
يرخصون النفس للجنه شرايه
لعلي خير العمل ولفاطمه الزهراء
من كل فج عميق اعتنوا عنايه
وشوف ابن الحسن صنديد واگف حيد
ما هاب المنيه ويسخر من الشام واجناده
والاكبر ضوه عيون حسين صاح بصوت
والعسكر تفكك ضاع مشراده
وبدور الهواشم صاحوا النه اليوم
نذر للموت احنه والنه بيه عاده
يالتوصف الطف گلي وصفك وين
تساوي حسين ويه يزيد واجداده
لو رايد تساوي حيدر بسفيان !!!!
حيدر منهج ومنهل عذب تورده الوراده
وسفيان النذاله وبالدما موصوف جلاده
واذا رايد توصف عالمدى المنظور بالتاريخ
فرق بين السمه والگاع والحگ رايد انشاده
من بيت الرسول الشرف والتنزيل والتأويل
اكرم من بيوت اللي حوت حيدر وأولاده
وخصمهم غانيات وطرب خمارين عواده
الفرق كلش بعيد وماكو اي مقياس
فاطم عدنه قمه ودور اله رياده
وهند عدهم القطعت كبد حمزه الليث
وزينب كربلاء عدنه وعدهم شعر ولاده
000
بقلمــــــــــــــــــــــــــــــــــي 0
حيث تقول ولاده بنت المستكفي
امكن عاشقي من لثم خدي
واعطي قبلتي من يشتهيها
