موال الاغنية
.............................
عودتني
انتظر..
وارسم عله الايام موعد
عودتني
العيد يعني الناس
ووياهم اعيد
كتلي .. من يعتك جرح
جرحين
يتلاكه وجعها
وعودتني
عودتني السفن..
من تصفح اكبال الريح
تتمزكـَ شرعها
كتلي:
ما تبكه سفن
والناس يعيروهه:
خشب عادي
وايغركها دمعها
ردت اكلك!
والتهينة
وفاركتني
ردت اكلك
عودتني
عودتني
اترك ابيتك بطاقة عيد وموعد
واكتب ابابك اذا مسافر
جلمتين
ولكيتك سافرت من غير رجعة
وعودتني
..........
كلمات الاغنية
تعودت كل يوم اشوفك ياحبيبي اتعودت
ولاتظن أكدر اعوفك لوعني يوم يوم ابعدت
انته دنياي وحياتي
وانته دفتر ذكرياتي
صوره بعيوني اصبحت
تعودت بعيونك ابحر مركب لشاطي الاماني
شراعي بلرحله حنين وشوكي للملكه اغاني
الدنيا بعيونك حبيبي ماشفت هيج بزماني
صوره بعيوني اصبحت
ياما عشنه ايام فرحه الشوك ماخذنه بحنينه
واليالي تفوت واحنه باليالي مادرينه
ومن سعادتنه حبيبي ضحكنه فرحتنه وبجينه
صوره بعيوني اصبحت
تعودت كل يوم اشوفك ياحبيبي اتعودت
...................
كلمات الشاعر الكبير
مظفر النواب
وقد غناها الفنان الكبير
فؤاد سالم
