ثرى البصرة

<LI id=post_20249631 class="postbit postbitim postcontainer">

ثرى البصرة

عشگتج من زغر والعشگ چتال عشگ الفارس ويبچي على مهرة

ووفت روحي وي روحچ حد گطاع النيط ومثل دمعه العزيزة بعين كل حرة
وطشيت العمر هلهوله للحلوات وكل حلوة تتمناه على الصدر درة
وبچيتچ من خذاني الموج والحدار وشفت روحي غريبه وساكنه بجزرة
كون يصير عندي جناح نص الليل وحياتچ ماانام وانتظر فجرة
ولاسفان مرني وغيرته بالراس بس انخاه شمسرع ماحضر عذرة
وتهت عشرين لمن راح مني الشوف اتلمس بدي ماوچد الحضرة
وچتفني الزمان چتاف موش چتاف ودگالي وتد خمسين الف مترة
لاخير يدگ بصدره وكت الزود ولاوجه السموح ويغفر العثرة
عجزت من الحمل مابيه شيل حمول ولو حملي بجبل يمكن كسر ظهرة
وحچي الشمات اسمعه وينزل على الروح كل حرف بسهم كل چلمة بعشرة
تون بليل روحي وتذكر الاحباب واليعبر بحور شلون شيعبرة
وهاي جروحي مخزنات من سنين لاعطبه التفيد ولااظن جمرة
رحت للعارفه وايس وگال دواك حفنه تراب تشتم من ثرى البصرة

1. الشاعر
   

   ابو حيدر الشريفي
   2009/3/21

البصره عيونه انت وانت عيون للبصره
سالته يوم كالتلي احطكم بالسدر دره
واظل اسهر واحاميكم اليتعب كلبي ينطره
واخلي ظلوعي صفاكات
لليوكع واشد ظهره
واكله اخذ روحي بيه عيش بالبصره
تقبل مروري

حبيبي ابو الليث
شكري وتقديري على ردك الكريم
دعائي لك
مودتي

الله عليك اخي ابو حيدر الشريفي
احساس جميل وكلمات معطرة برياحين عروس الجنوب البصرة الغاليه
تحياتي وتقديري
تنقل الى قسم الشعر الشعبي

شكرا على مروركم احبتي
ان كل حرف تكتبونه هنا اعتبره كبير بالنسبة لي
فاني ارى روعة قصائدي من خلالكم
فكل قلم منكم اعتبره ناقدا يضيئ لي دروب قصائدي
تحياتي لكم

تسلمو على هذا الشعر لك احلى حياتي

ماكو احلى منج يبصرة
شفت الدنيا كلها وشفت كل الناس
وشفت الاراضي الصحرة والخضرة
شكد شفت ناس وشكد رحت وجيت
ماشفت مثل طيبتج يابصرة
الله على شعرك الرائع تقبل مروري

الله يا رائع ...يا جميل..
الاخ ابو حيدر لك كل الحب ..
البصرة الرائعة البصره المعطاء..
البصرة السياب .. البصره فؤاد سالم
البصره كوكب حمزه ..رياض foraten.net/?foraten.net/?foraten.net/?foraten.net/? البصره الفن
الاطوار الزنجباريه الحب والفرح والسمار البصري
لك روحي والف تحية لكل شعراء البصرة الاصدقاء ..
ومن هنا تحيتي لك يا روحي يوسف حسن مشتاقلك كد ما هويت..
روحي تاهت عن دربها وجلجل الليل .. بوكاحه وانت بيت .
يا غالي ابو حيدر لك عمري..

ما شاء الله والله تستحق نطلق عليك عريان البصرة
كلمات شعبية جميله تنقلنه الى صور اجمل
عن هور البصره وعن شط العرب والخليج
ومراكبه وبحارته وعن هاي الارض المعطائه
جميل والله شاعر مقتدر