تريدين اگلج عيني
وترضين روحي مقيده
مثل ألحمامه بنص قفص
وفراشه أظل بلا جنح وبنارچ تچويني
ترضين اگلج عيني
وتدرين أنتي بالهوى ألما بينچ وما بيني
أحيان طعم المستحى مرّ وإذا تحاچيني
ذرة التراب اشعر بها تغطيني
ربي خلق بيچ الحسن
ومعذور آني بيچ أجن
يللي مثل طبع السفن
بنص البحر بين الأمواج ألعاتية ترميني
ومرات أشوفچ لي وطن
يؤيني أوقات ألمحن
ومها يعذبني الزمن
أنساه في لحظة إذا بأحضانچ تضميني
ولو ابتعد عنچ أنا
كل لحظه ببعادچ سنه
أنتي ألهنا وأنتي المنى
وأنتي ألحقيقه الثابته ونص ديني
وانتي الاماني والاغاني اللي تنوّر سنيني
وانتي الجمال ويه الكمال
وانتي الدلال ويه الوصال
وانتي الاحبچ حيل لتزعليني
ردتچ مثل طير الگطا تباريني
وردتچ إذا يجور الزمن يالغاليه تگويني
تريدين اگلج عيني
موعين وحده لا ابد انتي ترى عينيني
الكناري
يونس الجبوري
20/11/2010
