خيوط الفجر بانت والتحنه- الشيب
العمر وله ياصاحب والتحنه -الحنين
شتضن ينفع اليصبغ والتحنه - الحناء
ومن يحدي العمر هم بيه جيه
0000
يهل ماخذ الك روحي بها وين
شتضن تحمل بعد هجرك بها ون - به انين
طحنت انا الصبر بيدي بهاون
ولهمته وخلصت صبر العليه
0000
جم باب الزمن رده وسده
وبنالي بالفرح حاجز وسده
لون الزمن يطلبني وسده
وخلص من بلاويه عليه
000000
الگلب اصبح بثر هجرك ورم بيه
اطحن با الصبر گوه ورم بيه
سهمك نبت بگليبي ورم بيه - الاستداره في عمق الجرح
شما اجره يجي گلبي بديه
00000
علي تسال اشغيرني ومالي
خسرت عمري بثر هجرك ومالي
صرت ناعور افرغ الماي ومالي
احصل والاحصله موش اليه
وسام النه المصايب وسمنه
عسل ينگل نحلهم وسمنه - السم لنا
ريش الهم لحفهم وسمنه - والسماء لنا
غطانه الغيم ووساده الثنيه
للشاعرناصر اسماعيل الموزان
