استراحة الشعر والشعراء وكل احباب الشعر الشعبي ترحب بكم احبتي

احبتي غوالي الفرات طبعا الفكرة منقولة
بس حبيت نغير شوية من الروتين
وهذه الاستراحة لنجعلها متنفس لكل الشعر الشعبي
وبكل انواعة
دارمي
ابوذية
ومضة
قصيدة
أحبتي رواد هذا القسم الجميل,,,اهلا وسهلا بكم جميعا

لكل من يريد ان يشاركنا بمداد قلمه
الحب وطيب الكلام
يترك لنا هنا بذرة تنمو لتكون شجرة تجذب الاحساس
وتسرق الانظار
اشعاركم وكلماتكم وهمساتكم وارهاصاتكم
محل تشريف وتقييم
فاهلا بكم جميعا في استراحتنا
محبتي لكم

اضل قمة وفه وهذا اسمي حد الموت
وابـد طبع الـدني ماصاحبيتة
عزيزة نفس ماطخيت ابـد هام
ولامحسـوف كل دمع البجيتة

بسك لا تضل تشكي بهاماك
وتلوم العين وتعضعض بهاماك
اخذ طبع النخل وارفع بهاماك
واذا بالطين عركك هاي هية

زرعنه وماحوينه ابتعب فلاح

ومن كل العنب حصلنه عنكود

بالك ياكلب لاتفتح الباب

اجتك ريح لازم تبقه مسدود
:66 (46)::66 (46):
:66 (46):

أتمـنى تفـهم يـوم نـجمـة أنـي حـالي....
غـيري على وجـة الكـاع بس اني عـالي

گلب سمجه انه گلبي ووكتي بركان
وشيصبرها روحي اتعيش باچر
تمنيت انه اشوفك گبل ماموت
وماريدك تجيني وماني حاضر

مسجون الصدﮒ ياناس تدرون
وخذوا كل الچذب طلقوا سراحه
كل تعبــــــــــــان گالوا يبقه تعبان
والمـــــــــــــــرتاح يحتاج استراحة

من يوم صرت ودرت
بيه الحزن منحوت
محروم من الفرح
وحتى من اون بسكوت
بغابة كضيت العمر
ومذبوح بيه الصوت

السلام عليكم
وكل عام وانتي بالف خير عزيزتي طيوبه
وعاشت اناملك لتلك الفكرة الرائعه والمميزة واتمنى التفاعل من الجميع

وان شاء التواصل الدائم

ربي يوفقك
تحياتي

مثل طول الليالي عندي اجروح
واشك الليل اطول من جروحي
لان الليل حده الصبح ويروح
وانا جروحي عمر ضلت بروحي

م\ن
كل الي اقدمة الكم منقول

راح ادخل حرب صبرك بدون سلاح
واشمت بيـك كل ألما يگـدرونك

وأجبرك تنسحب متعذب ومكسور
واشلع ضحكتك من لمعة سنونك

شكرا حلومة
ويارب يتواجد جميع الاعضاء
منقول او غير منقول المهم جميل الشعر نلكاه اهنا
انريد روح الحب والتفاؤل وكل شي جميل

اصبغنه ويرد واصبغ واغطيه
ويرجلي واصبغه الشيب ويعود
مثل لزگه لزگلي اتحيرت بيه
ماخلا علي فرهدني فرهود
العمر مهما احرصت للزمن تاليه
وليبوگه الزمن ماضنه مردود

مولاي سيف الفرج للرادلك يردله
من حيث عودي الذبل لابد اصل يردله
وبغربه حظي الركس هدت شهم يردله
من سال جفني ابغرب گال الدمع يمعه الي
لن يدري عمري انگضه وماظن بگت يمعه الي
معقوله اموت ابغرب مااندفن يم علـــــــــــــــي
وگليبي بارض النجف يقنع لون يردله

الله يا الغالية ازهيري روعة صح السان الشاعر
وشكرا لهذا التواجد

خلص حياته الفجر
يتعنه درب النور
يوصل لنقطة صفر
ويرجع يرد يدور
انسان يترك اثر
ونسان ما مذكور
وملوك صارت عبر
وملوك ماكو اگبور
واوطان ضلت اثر
واوطان بس السور
يا بشر رده القدر
ويا بشر ضل معمور
المن تعلي الحجر
والمن تشيد قصور
محلاه بيت الشعر
ومحلاها طين الدور

العواصف لو قست ماتقلع الشوك
العالي من الورد ينصاب ويطيح
اخافن ياورد من طحت شموك
وخذوا عفت صلاتك والتسابيح
اضنهم ياورد من طحت داسوك
واظن باخر نفس لغصانك تصيح
اجيتك وشلكيتك غصن كسروك
ومن كسره يتلولح كالمراجيح
كل خد بكتر ياورد ذبوك
وخفوا دم البغصنك والتجاريح
تجي وياهم تايد الحكم رادوك
وصبرت وماخذوا منك تصاريح
بعواصفهم غدر ياورد زاحوك
ولولاه العاصفه ادريك متزيح
كل ضنهم متت وبسرعه دفنوك
نسوا غصن الورد لومات بيه ريح
تضل شاخص ولو مجهول خلوك
يلوح علئ البعد ضي المصابيح

ياهله بجيتك بعد طول الغياب ---
بيك ماخابت ابد رجوانه
الذهب تخفت لمعته من التراب ---
وبس تنفخه ترد تشعّ الوانه

سولفلي عله كيفك حتى ادوخن بيك
وانت بكيفك احجي منين ما تبدي
رايد كلمه منك ياولفي انت شبيك
واني اباب حلكك كاعد مجدي

الملح لو بس يخطر ابالك تحليه
فوكه من العسل اطنان خليت
ومن كد ما حلو تكتل يحباب
من تلمس نوانه يصير جكليت
:66 (8)::66 (8)::66 (8):

ابيك آنة وابد ماكول.. مابيك
يل كلك محنة وشين .. مابيك
غبت عني واكول شبيك .. مابيك
من اغيبن هم يظل بالك عليه

كاعد يمي اشوفك ايد فوگ الايد
ومفتون بحلاتك والگلب يسعر
تگرب يمي خدك وانه اگلك روح
خافن بس ابوسك يصعدالسكر

ذبل عودي ودليلي انصاب به داي
والك عمري هديته وضاع بهداي
لون رايد تطلع الـروح بهداي
انته اخر نفس تصعب عليه

اتمـنى روحــي طويـر وانزل بداركـ
واوگف على الحيطان واسمع اخباركـ

يعيني من البجي بسج عليمن
ايسر ماطبك مره عليمن
تعال وبجيتك يسمر علي من
كرهت الدنيه من بعدك عليه

ضعن ناس النحبهم راح يروان

ودمع عيني عليهم صار يروان

يكَلبي لاتبطل نـــوح يـــر وان

وضل اشرب حزن حد المنيه

بقلمي اخوكم الشيخ
ابوحيدر
9|11|2010

موضوع جميل جدآ شكرآ للغاليه طيبه النجف على روعه الفكره
وما سأكتبه هو نقلآ وليس بقلمي
يمن بيك الجمال اتعده الحدود
ومن خدك خذوا لمعات النجوم
نحضر اهدوم حلوة لخاطر العيد
وانته العيد لجلك يشتري هدوم

السر بمحبتك من اريد انساك
شما أنساك احبك أكثر وأكثر
أنسه وأنشغل وبعزة النسيان
أتذكر نسيتك وارجع اتذكر

شفتك مشتعل ردت آنه اطفيك
ولأن رجلية ميته ازحوف اجيتك
ومشلولة الإدين وصعبة اشيل الماي
افتحت شريان گلبي وبيه طفيتك

نضحك بالچذب ونضمضم الدمعات
ومكابر نشد احزامنه البايد
چم دوب الصبر نگضي العمر صيام
والعيد اليمرنه اتقشمر انعايد

بيه كل التعب من هذا الزمان
تعب اكبر من حدودي وطاقتي
ردت آخذ راحتي مرة ابتليت
طلع واحد غيري ماخذ راحتي

موش اعيون عدنك صدك اولايات
تفر بيها القوافي والشعر يبحر
ردت مرة أوصف اعيونك احتاريت
بديت برمش منك خلصت دفتر

القناعة اتضيع مني امن التقي اوياك
وعيني لشوفتك ماعاد تكفيني
ولأن يرادلك عين بكبر بغداد
راح بإيدي اوسع خارطة عيني

صحرة ومتانين ماتمطر شجاك
تدري عطشانين الك منذ الأزل
وانته رحمة ونزلت اعله امك وابوك
واعله هاي الفقرة ظيم الله نزل

أريد اكتب شعر بوصافك ومحتار
شكتب عن اشفافك لو كحل عينك
إذا كلك حلو وبالوجنة نور ونار
يمكن من حليب الله خلق طينك

واجب انبوسك إذا مرينه بيك
ايطبه طوب الخلفك لو مارضه
ايحطك ابيته ويظل قافل عليك
ومن وره الشباچـ ونبوسك قضة

من اجروحك أنه الماچنت امِل مليت
وجبل شوگي تبايد ونهدم سفحه
ومن گد مافتحنه لغلطتك صفحات
بسجل اوراق حبك مابقت صفحة

أحبك ماأحبك والله حرت اوياي
بيك آنه حرت وانته ولا چنك
ساعات آنه اگولن آنه احبك ليش
وساعات آنه اگولن ليش احبنك

لاتدنگ عالذهب لو شفته طاح
هوه يخضعلك إذا شافك قنوع
وجوة تمثال الثلج لاتستراح
لأن بس تطلع شمس لازم يموع

http://upload.traidnt.net/upfiles/8US91169.gif

گد ما أحبك بس اسولف بيك
وگمت بيك آنه اسولف حتى بالسكته
من سألوني شسمك تعرف شرديت
بسمك جاوبت حتى اسمي تمن يهته