احب صوت البلابل والعصافير
موبالقفص...بحلوك البساتين
واحب خيط الشمس ينزل على الكاع
حته يخيط جروح الروازين
بحدايق ...موش محبوسه بسنادين
واحب الكه العروك امصاحبه الطين
واحب ماشوف مصنع للسجاجين
واحبن ..غيمها ينكط موازين
واحب ريحة الهيل تكعد البيوت
ومنها مايمل خلك الفناجين
واحب الكه النوارس شابكه الماي
واحب صورتها تجبر خاطر العين
واحب الكه الخضار محزم الكاع
واحب الكه الدفو بصدر الدواوين
واحب ريحة العنبر ترجع بشوك
وتذكر ناسنه بخبز الجوانين
تمسح دمع طاح بذيج السنين
واحب الكه المدارس تارسه الكون
واحب ماشوف قضبان الزنازين
واحب احضه برئيس يفرح الناس
ميجامل عمر ويزعل حسين
احب احضه برئيس يسجل افراح
مو واكف يسجل بالمساجين
اذا بالساحه طش عطر الرياحين
وماتشمر الموت اعله المساكين
واحب الكه المسيحي براحته يعيش
ويلمس نهج( لا اكراه في الدين)
