اجمل ابوذيات ادخل وشوف

ابوذياــــــــــــــــــــــــــــــــــت

اسرح شعرك تهدل صوبي وانساب
وطفح دمعك على الوجنات وانساب
اسألك ياهو گلي وياك وانسب
وتجازي افعالي الطيبه برديه

وعلاه
شربت المر وجرعت الآه عالآه
واصيح الآه وانت ترد وعلآه
وحگ الي سره بعبده وعلاه
لأزگيك الزهر باثنين ايديه

بسلاك
عگدت الگلب وسط الشوك بأسلاك
ونذرت العمر ويه الروح بس لك
احبك ولا تفكر يوم بسلاك (بنسيانك)
انه بنومي ويمر طيفك عليه

مرعلينه
ترف يامن ضعنكم مرعلينه
هجرتونه وجفاكم مر علينه
حلفت مهما الزمان يمر علينه
منسه ايام عشناها سويه

وصـل
يا گاطع بالهجر الارحام وصّـل
ومد جسور وللصوبين وصـل
لعگرب لا تأمن يوم ولصـل
يلدغك لو چنتله بيوم اخيه




منقووووووووووووووووووووووول

شكرا لاختيارك ابو حيدر
والابوذيات ورائها ما ورائها
ما تطير طير بضباب هههههه

تحياتي لك

[quote=جاسوسه;993399]شكرا لاختيارك ابو حيدر
والابوذيات ورائها ما ورائها
ما تطير طير بضباب هههههه

تحياتي لك

ههههههههههههههههه
مليت خويه عبالك
نستجديهم بالرد هسه اليرد يامرحباً
والمايرد تحياتي وشكراً
صار بيه قالون من القهر
يوميه ابوذيه وقصيده ودارمي
نسخ وابوج الله يرحمه
تحياتي
خلي الابداع لغيرنه
الضاهر احنه
مومبدعين
بس النقل ابداع

تسلم ايديك الحلوة الابوذيات تجنن وخاصتا 000000مر علينة000000ذوقك اصيل وراقي ومبين عليك عراقي****اخنك الحلوةالغالية

انت اصيل وراقي000000000000ومبين عليك عراقي********************************************* *******اختك الحلوةالغالية

شكرا لجميل انتقائك اخي الغالي ابو حيدر
تحياتي وتقديري

شكرا لجميل انتقائك اخي الغالي ابو حيدر
تحياتي وتقديري

اخوك وبالحشا يدبج مردها
اشتكله لا هله بجيتك مردها
تخص الزينه والشينه مردها
عليك وغصب تتحمل لاذيه
مع تحياتي للشيخ آنه عضو جديد وهذه اول قراءة لابوذياتك

عشت يا ابو حيدر على هذ الأختيار
أهديك هذا الأبوذية

اليدين دين نوفي اله بدينه
نبدل شينته بزينه بدينه
يخسه الشامت كرامتنه بدينه
نباريهه لمن تدنه المنيـــــــــه

باقة رائعة ابو حيدر
يسلم ذوقك على هذا الاختيار
ولك كل الاعتزاز

حتى في انتقائك رائع وتسلم اخي العزيز0

باقه رائعه من الابداع

احسنت الإختيار وتسلم الايادي