أسولفلك سوالف غاصّه بكل آه ******* وبيّنلك وضع ماضمّته السكته
وشوْفنّك وطن ماعـرف ناسه البيه***** ولا بيّنت عنده أشلون ساكنته
أصوات امبعثره وتنحچي ابلايه ألسان **مابيهم حچه وتنعرف سالـفته
والبطّل يسولف غيّبه النسيان ******* وناس اللي خطتها العين ناكرته
مو موته الخلگ بس اهي اكثرها اموات*** ماواحد تگله ويفهم الگلته
ضواري اتلملمت ونقرت چنها احزاب **هاي اتحوس بيه وذيچ سالبته
بالعاده الحرامي ايحوف تالي الليل*** حوّافه اعلى شوف العين بايگته
مركب ناسه تاه بغبّة الطوفان ****** وروجه الماوصفها ألسان بالعته
چي صارو ملاليحه ابلايه احساب *** شوف الياهبيّه اووين ماخذته
قلّه الحاولت ودّوّر المهـياج *********وكثرها لجرف الموت سـاحلته
يسمّونه وطن بحچاية التنگال **** چي باجي الضمير العدها ماسحته
أهو الخاين اترابك والملح والزاد **** ضل مذموم حتى الگاع كارهته
وگلّك ياوطن جرّبت ناس البيك ******* وهوايه الجزالي اليوم لملمته
وشفت البيه وبيه بس مامبيّن بيه ***ومنهم بس جهامه اهدومه ساترته
وحتى الچنت اضنّه ايطيح گبلي بهاي** اگفي وتنسمع يادوب همهمته
تكتّرغاد من صارن ايامي اثگال*شاف الصارلي وايده اعلى خاصرته
لاهو ولال مثله الگال عد عيناك **** لمّن تنكشف يفزع اعلى الردته
اهوالصكّن اسنونه ورجف بجويريد **** شلّه بفزعتك بالگيض دثّرته
وخبرك ياوطن ألف الحمد لله ***** جرحي الچان ينزف ذاك خيّطته
وذاك الچان مايل ويّا ميل الريح ******* اخبرنّك هفت چانون منقلته
يولي وهمْ يعف من راد يزرع طيب * ذكّرته المضى وردّيت سامحته
ونرد ابسالفتنه اعلى الوطن والبيه *** قطره ابّحر هذا الحچي الحللته
يضل شامخ اشما يگصي الزمان وياه **** وحتماً مايرد ويعيد منزلته
لابد مايرد ويعيد منزلته
*****************************
منقول
