يبو شفاف العسل ومكاسره بهيل
تذوب الناس كله بعضه اشفافك
والشافك سكر من غير خمر وكاس
كضه عمره ثمل واتعذب خلافك
يا عين الورد يا منبع اصل الماي
بروحك تنسكي وتتدمر اطيافك
يا هبت هوه يمنفه المخنوك
عذبت الدليل بهزة اجتافك
يالوجهك مناره معذب العشاك
حتى الاعمى بيهم بالكلب شافك
خفة دمك الغرست بجرحي اسهام
عاف احزاني بيه تعنه الك طافك
يا ريع الحنان وهيئة الصفصاف
تتعنه الطيور تحط عله اجتافك
ابوك شكد غشيم وطلعك للناس
شلون انطاه كلبه ووحدك عافك
انه اول بشر شفتك كتبت اشعار
والله اليدري غيري شسوه من شافك
وجناتك شمس ومزغرفه بياقوت
اوصف ما وصلت الذره بوصافك
بقلم / هاني العكيلي
