امل بويه شگال عقلچ من مشيتي
خذتي روحي بين اديچ
ليش بويه..قصريتي
مالي عين تصد على اهدوم الجهال
لان كلهن ما بچن
وانتي البچيتي..
ليش ياوردة حياتي شصار بيچ
بويه وحشه اليوم كله
بحظني انتي ماغفيتي
يادمع بلّله على بختك لاتهيد
واعمّي عيني ولا تمِل
شلي بعيوني بعد
وانتي مشيتي
بويه مو هينه المسافه
واعتنيلچ
لكن اوداعت اعيونچ
جيت ازحف
ردت اشوفچ
گومي حظنيني يبويه
وبعد بيتي
انا كلي انهار يمچ
وبقة كلمه
بين كل الناس
تصرخ
راح اموتن مادريتي
بويه مذبوحه القصيده
لان مابيها ضحكتچ
او لنهضتي
ترجع احچاية احبك
لو حچيتي
كلف ياربي الموادع
تكسرت روحي عليها
وطحت يمها
فده الروحچ انه ريتي
بويه ريت اصواب بيه
ولا تحل لحظة وداع
وريت ياعيني
عميتي
ولا شفت سباح گلبي يروح
مني..
چبح ظلتچ
يادنيتي
ماراق لي
