چايمته يغفه الجرح...مادام بيه الملح
بسچينتك لاتلح...مذبوح تدريني
من شفّتك ياترف
خليني ارشف رشف
عطشان أرويني
بالسهراگضي العمر...مشتعل گلبي جمر
مشتهي اشم النحر...واليل اگظيه سهر
ماردت بس شوفّتك
باقي انت ومروتّك
بّس بوسه تّرويني
يالبيك ريحة ورد..ماردگليبي مرد
عد ظيم گلبك وعد...تدري بجروحي تلّد
يالطّعم شفتّك عسّل
كاتلني حسّنك كتّل
محروم تدريني
سايم عليك النبي...سابيني حسنك سبّي
تدبي محبتك دبّي...خلتني احّبي حبّي
سّلاني شوگي الك
يالمّاتحّن بّس ولك
يفضح دمع عيني
أدريك أنت تحن...واليل كله تون
لبسني بيدك چفن...وكتبلي اسمي حسن
وحاچيني وكت الدفن
بس لاعليه تِمِن
مظلوم تدريني
يالبيك ريحة ورد يالبيك طعم الهيل
يالطعم شفّتك عسل ويالطول شعرك ليل
لخاطر الكعبه دحّن...ساجني رمش الجفن
تدريني مالي صبر
وانت مسجل خطر
سالت دمع عيني
مضلوم تدريني
بقلمي
الشيخ ابوحيدرالشويلي
28|10|2010
الحقيقه هذا نوع جديد ليس على النمط الاكلاسيكي المعروف من باب التغيير فان راق لكم فهو يحسب لي وان لم يرق فاطلب السماح انما هي محاوله للتغيير دمتم بخير
