يلمليت.....ماكتلي كبل ماتحترك روحي خلص مليت
ماكتلي كبل ماتخجل اعيوني ودمعهه من الجمر كتيت
يلمليت يلمليت.......
ماكتلي قبل ماتعرف الوادم واصيرن
قصه بلباكيت ........يلمليت جدمي ايعاتبك مو حافظك علغيب وخطوات الدرب تعرفني
بيت أبيت
عاجن طينتك من أول المصيار
ربيتك بديه وكلت خوش ربيت
جازيت التعب لملمت غيضك نار وبكلب اليحبك
بلعجل وجيت
موكلبي بنفسج يحترك للشوك
ويطش المحنه اشبيك ماشميت
يااول احروفي واخر احجايات
يوداعت اعيونك لو حلفت اوفيت
ياشباج روحي ولازمك ماتوب
ياعكدت اللساني وحسبت الياريت
ياأنه البديكاحسبني من اتحير
لو كلك شمع من توج ماكفيت
ياماي الكصص عركان بجويريد
غم روح التظل تتنطر انوالات
واتمدلكاديها وانت ما حسيت
بعدهي الروح خضره باول المركاض اضحك لو شفتني اتماهلت وخطيت
وخليك ابغرورك
من تطيح اطيح وياجف اليلزمك
بعد جفي ارضيت
لاكضك ربى ولاهزتك دمعات
صحت بعالي صوتكبلطرف مليت
الشاعر يحيى الحميداوي
