ياوطنة اشكَد احبك....للعراق الحبيب...
ياوطنة اشكَد احبك..
اشكَد احبك ياوطن
فارس بطبعك حبيبي..
شامخ اتلاوي الزمن
علمتنه الموت..هوة الموت..
لو تيه طريقة!!
وعلمتنه الدمعة بجفون اليحب..
تبقه صديقة!!
يالصرت للدنيا قبلة
يالبنيت أعظم صرح
يالتداوي جروح غيرك
وانته تنزف جم جرح؟؟
عَــــز عليهم ياوطن
ثوب تلبس صنع أديك
جانوا يحبون تلبس
ثوب ما لايَك عليك
ثوب عنوانه المذلة
وانته حاشه يكون بيك
رادو بكل صورة تنزف
ورادو بكلشي تجوع
حدوا بظهرك خناجر
وانته صرتلهم دروع
صرت شمعة..
تضوي دمعة
تحترَك بسكوت..
ما تشكي الدموع
رادو يكسرون جنحك
ياعراق
وانته جنحك المهيوب
يعراقي كبر
ورادو يطفون نورك
ياعراق
وانته نورك
شَك ظلام الليل
عالدنيا انتشر
ياكَواتة شراع صبرك
ماتِهزة الريح ساعات الخطر
انتة منبع كل كرامة
وانتة قاموس البشر
وانتة بيك آل محمد
وهذا أكثر من فخر
حاربونة بكلشي هُمة
بكسرة الخبز وجمرها
رادو أختي من تجوع
يمكن تضحي بسترها
ما دروها الحرة تبقه
حرة وتموت بخدرها
ولو تموت بألف موته
ولا يمس احد ظفرها
وانته جرحك بعدة ينزف
وما اضن جرحك يطيب
شلون جف إلي يذبحك
نفسه يتحول طبيب؟
هذا شعبك ياعراق
صار للدنيا منار
لو عطش يشرب كرامة
وصابر برغم الدمار
وخلها تتكالب علينه
وخل ذئاب الشر تصيح
يوم تتلاكَة الزنود؟
نشوف ياهو إلي يطيح!
لا
وحَك راس الذبيح
تبقة شامخ
ماتطيح
*************
(القصيدة مبنية على اكثر من وزن شعري)
الشاعــــــــر
جلال البطاط
غير مبروء ذمة من يقوم بالنقل دون ذكر الاسم
رد: ياوطنة اشكَد احبك....للعراق الحبيب...
ويبقى العراق قلعه شامخه
وشمس لاتغيب
الأخ المبدع جلال البطاط
شكرا لهذه الكلمات الماسيه
والتي كانت بلسم لجراح هذا الوطن النازف
لك ولقلمك انحني
تحياتي
رد: ياوطنة اشكَد احبك....للعراق الحبيب...
شكرا لشاعرنا الجميل
قصيدته الجميلة ..
ونقول معك " يا وطنا شكد نحبك .. "
سلمت يداكم اخي الغالي
ولكم خالص التقدير
رد: ياوطنة اشكَد احبك....للعراق الحبيب...
احسنت اخي هكذا هم سعراء
العراق يقاتلون باقلامهم
زمر البغي والضلاله
دمت مبدع يالغالي
رد: ياوطنة اشكَد احبك....للعراق الحبيب...
تسلم اخي وبارك الله فيك
كلمات رائعه وقصيده جميله جدا
عاشت الايادي
ونحن بأنتظار كل ما هو جديد منك
رد: ياوطنة اشكَد احبك....للعراق الحبيب...
اقتباس:
المشاركة الأصلية كتبت بواسطة السومري71
ويبقى العراق قلعه شامخه
وشمس لاتغيب
الأخ المبدع جلال البطاط
شكرا لهذه الكلمات الماسيه
والتي كانت بلسم لجراح هذا الوطن النازف
لك ولقلمك انحني
تحياتي
تسلملي حبيبي السومري ع المرور الكريم...نورتنا ياوردة...تحياتي الك.
رد: ياوطنة اشكَد احبك....للعراق الحبيب...
الاخ الشاعر جلال البطاط عندما تتنقل بين الاوزان فانك تتنقل ببراعة الفنان كما تتنقل الفراشة بين الزهور استمتعت جدا برائعتك هذه
وزنود العراقيين كلها زند واحد ضد اعداء العراق
ويخسا من يمس العراقيات
تقبل مروري
وتحيتي لك
رد: ياوطنة اشكَد احبك....للعراق الحبيب...
اقتباس:
المشاركة الأصلية كتبت بواسطة foraten.net/?foraten.net/?foraten.net/?foraten.net/? السالم
شكرا لشاعرنا الجميل
قصيدته الجميلة ..
ونقول معك " يا وطنا شكد نحبك .. "
سلمت يداكم اخي الغالي
ولكم خالص التقدير
تسلملي حبيبي الغالي ابو علي ع المرور الكريم....تحياتي الك.
رد: ياوطنة اشكَد احبك....للعراق الحبيب...
اقتباس:
المشاركة الأصلية كتبت بواسطة الشيخ ابوحيدر
احسنت اخي هكذا هم سعراء
العراق يقاتلون باقلامهم
زمر البغي والضلاله
دمت مبدع يالغالي
الغالي ابو حيدر.....نورتنا حبيبي انتة....تحياتي الك يامبدع.
رد: ياوطنة اشكَد احبك....للعراق الحبيب...
اقتباس:
المشاركة الأصلية كتبت بواسطة عراقيه غيوره
تسلم اخي وبارك الله فيك
كلمات رائعه وقصيده جميله جدا
عاشت الايادي
ونحن بأنتظار كل ما هو جديد منك
تسلميلي غاليتي عراقية غيورة ع المرور العطر والرد الجميل....تحياتي لكِ يامبدعة.
رد: ياوطنة اشكَد احبك....للعراق الحبيب...
اقتباس:
المشاركة الأصلية كتبت بواسطة الكناري يونس الجبوري
الاخ الشاعر جلال البطاط عندما تتنقل بين الاوزان فانك تتنقل ببراعة الفنان كما تتنقل الفراشة بين الزهور استمتعت جدا برائعتك هذه
وزنود العراقيين كلها زند واحد ضد اعداء العراق
ويخسا من يمس العراقيات
تقبل مروري
وتحيتي لك
تسلملي شاعرنا الرائع يونس الجبوري على مرورك العطر وردك الجميل الذي يدل على دماثة اخلاقك ياوردة....تحياتي الك حبيبي انتة.
رد: ياوطنة اشكَد احبك....للعراق الحبيب...
سلمت يامنارةَ عزّي وإبائي
راق لي ماقرت هنا
من أرق الحروف وأروعها
وأعذب المشاعر وأصدقها
دمت كما أنت
شاعراً يفيضُ بحب أرضه الطاهرة
رد: ياوطنة اشكَد احبك....للعراق الحبيب...
اقتباس:
المشاركة الأصلية كتبت بواسطة رفيقة القمر
سلمت يامنارةَ عزّي وإبائي
راق لي ماقرت هنا
من أرق الحروف وأروعها
وأعذب المشاعر وأصدقها
دمت كما أنت
شاعراً يفيضُ بحب أرضه الطاهرة
تسلميلي غاليتي رفيقة القمر ع المرور العطر والرد الجميل...تحياتي لكِ وامنياتي بالتوفيق الدائم يارائعة.
رد: ياوطنة اشكَد احبك....للعراق الحبيب...
تحياتي للجميع على مرورهم البديع
