فنان اعتقد بس عــــــــــــــــــود فنان
مشعوذ لوضحك بس هــــــــــــــــوه رسام
رسم روحه بحلم يضحك على الماي
لهسه مـــــــــــــن الضحك سكرانه الاحلام
,,,,,,,,,,,,,,,,,,,,
حبيبي وياحبيب يشبهه بالكون
شناشيل بحلاتــه وطــــــــــــوله سياب
جيكور اعله طوله مفصل فصال
وحداثه اعله الدرب خطــــواته تنساب
بويب بكل فخر يسجدله لوفات
واناشيدالمطر تبجيله لــــــــــــــو غاب
من ارموشه خله اوتار للعود
وعلــى همس الشفايف غنــــه زرياب
حلوكلش حلو وكل لوله مابيه
عمــــــــي اللولــه بينه وبينه الاسباب
نعاين عالسمه ونتاني الهلال
وهـــــــــــــــــوه بجامعتنه ولازم الباب
لذلك عيد كـــــــــل ايامنه اوياه
ولان اوياه يحله ويحلـــــــــــــه العتاب
يمر بينه وعليه نطوف ونطوف
مناره تكــــــــول طوله وعينه محراب
لطوله الهندسه أخذو قياسات
وصلـــــــــــو للخصــر غلطو بالحساب
اذا مــــره وكف بالتربيه تشيل
وعليه تصير عركــــــــــه بنص الاداب
اول على البصره بدرس العيون
اخــــــــذمره امتحن من ميه الف جاب
راهب لو صفن والجامعه الدير
شاعر لوحجـــــــــــه وبالصوره جذاب
اعد من يبتسم طلابنه تصيح
واذا عـــــــــــــاد وضحك ماتبقه طلاب
مما راق لي
مع تحياتي
