لاتدوس اعله الجرح تفكسله عين
جرحي مثل الناي تطرب لجمتي
انه جرحي محمل اشواك وحنين
بنص لهيب اجفاك ذابح صفنتي
انته شجره محمله ومتروسه تين
وآنه ذابل وي ملوحة تربـتي
عايش بحبك مثل بلبل سجين
حتى صوت القفص ظيع نبرتي
جنت كلش صعب طبعي وماالين
هسه اكول الجلمه ادوخ بجلمتي
بروحي مغرب مكبره وتحمل ونين
واليطبهه يشوغ بس بو نتـــي
انتـه بذرة خلقتك ماجنهه طـين
مدري شنهو البيك يلفت نظرتـي
حبل ودك بالبعـد كلش متــين
وبعده شيـب اجفـاك في لهامتـي
علـه افراكك يالمحـب الله اليـعين
بـس الاه الكـون يسمع شكوتـي
انتـه دربك حدته اسيوف السـنين
اتثلمت بسيوف دربـك خطوتـي
يبقه باب كليبي مفتـوح ورصـين
ويـنقفل بتـراب كبري ودفنتـي
بقلم/ هاني العكيلي
