صدري
بشيعيتي افتخر وبنهجي صدري
واسمك يالصــدر دكَــات صدري
يدنيه اشعندج من هموم صدري
يبقه اسم الصدر عنوان اليهّ
*****
ومن شافو عراق الخير صدرين
خــافـوا عالحكم تختــل موازينه
لذلك قررو يقضون عالتيار
لأن دم الصدر يسري بشرايينة
ومثل عـود البخور الصدر ماعـرفوه
كلما يحتـرَك تكثـــــــر رياحينــه
*****
((صورة فريدة))
مثـل بيــت الصــدر ماتلكَة مثيـل
تظــل فــريــدة مثــل سبــع الكَنطــره
أبــو فاضل ضــرب للخــوة دليـل
وللشجاعــة صـــار رمــز ومفخــره
إبطـال بيـت الصــدر شي هـذا أكيــد
دم يفـور وصـورة تبقــى أمكـرره
مـرة جيـش أيهـدم عـروش الطغاة
ومـرة جلمة تصيـر سيف وتشطره
وبطرَك عصة الصدر وبطرَك العباه
وطرَك شيبة بيضة حلوة أمعطـره
حـــارب الطغيــان وأرذال الــرجـال
ولجــل عــّز الــديـن قــدم منحــره
يــوم طــاح الصدر مومــوت الخــذاه
جــان ملج الموت واكَف بالسـره
شـاف هالـة نــور تسطع عالأرض
وشـاف صورة تحوم فـوَك المكَبـره
وشــاف راسـة في حضن جـدة الرسول
وروحة شايلها بجفوفة حيدره
وشــاف زينب واكَفـة ويــة البتول
وشــاف مثل حسيـن جثــة امــوذره
وشــاهــد الليثين يمنـة وعاليسـار
مو بـــدر!! بــدريــن طاحــن عالثــره؟
احتــار ملـج المـوت مايــدري شيكَـول
كَلــة يامـولاي أرجــو المعــذره
****************
نلتمسكم الدعاء
الشــــاعــــــــــــــر
جلال البطاط
غير مبروء ذمة من يقوم بالنقل دون ذكر الاسم
