ليش ما نقدر ندلدغ روحنا؟

ليش ما نقدر ندلدغ روحنا؟

ليش ما نقدر ندلدغ روحنا؟





http://www.kumailplus.com/wp-foraten...9/96419743.jpg


يعني على فرض انك طفشان ومتملل وتبي تضحك بس ما تدري شلون، ليش ما يصير تدلدغ روحك وتضحك؟


يمكن الجواب سهل بس في تفاصيل حلوة زيادة ما توقعتها.
بشكل العام المخ يتنبأ بالأجواء المحيطة ويجهز جسمك حق ردود الفعل المناسبة لكل احتمال. المخيخ بالتحديد يراقب حركات الجسم ويفرّق بين الأحاسيس المتوقعة والغير متوقعة، الأحاسيس المتوقعة يهملها وما يركز عليها في إصدار ردة فعل لها والعكس حق الأحاسيس الغير متوقعة.
من جذي يوم تنخش وتروح حق واحد من الربع وهو ما يدري وتنغزه مرة وحده ينقز حيـــل، بس إذا رحت له وهو يدري ردة فعله تكون أخف، بس يوخر شوي أو يوخر ايدك وهو مستملقك مو أكثر http://www.kumailplus.com/wp-foraten...s/kml_grin.gif لووول.
مثال ثاني وانت الحين قاعد عالكمبيوتر وتحرّك الماوس وتطبع عالكيبورد، بهالوضعية تلقى نفسك ما تحس أو ما تركز على ملمس الكيبورد والماوس شلون صايرين على اصابعك وايدك. تلقى نفسك تقعد ساعات عالكمبيوتر وتكتب وتحرك الماوس بس مو مهتم ولا تدري عن ملمس هالأشياء اللي انت تسويها عمداً وفترات متكررة كل يوم.
بهالطريقة سووا تجربة سهلة في University College of London شافوا صور حراررية لمخ الناس وهم يلامسون ايدهم بنفسهم أو من ناس ثانيين. طبعاً يوم يلمسهم الناس كانت الصور نشطة أكثر في مخوخ الأوادم.
الحلو بعدين جربوا يخلون الناس يحركون روبوت وهالروبوت يحرك روبوت ثاني بعدين يلمسهم (يعني يملس الشخص نفسه اللي يتحكم بالروبوت).
والنتيجة كانت وحده، يعني ما يتدلدغون وكانوا متوقعين لمسة الروبوت.
هالشي صار لأن الروبوت كان يتحرك حركة مباشرة بنفس الوقت، بس توديه يمين يروح يمين، توديه يسار يروح يسار وحده بوحده. يوم جربوا يكون في تأخير في تزامن الحركة حتى لو بدرجة خمس الثانية شافوا ردة الفعل أقوى حيل في مخ المشاركين في التجربة. التأخير البسيط في الحركة يقص عالمخ ويخليه يترجم الحركة هذي كأنها خارجية غير متوقعة بدال ما تكون داخلية.
باختصار السالفة كلها تعتمد على عنصر المفاجأة، يوم تدلدغ روحك تكون عارف الطبخة وتدري انك راح تدلدغ وشلون ومتى بالضبط ودرجة الضغط على جسمك وحركة اصابعك كلها معروفة وما تقدر تقص على روحك وتضحك. والعكس يوم يدلدغك واحد من الربع وكل هالعوامل مجهولة وتسبب مفاجأة لمخك وتعطي ردة فعل عنيفة شوي. نفس الشي يوم تخترع بالظلمة إذا واحد نط مرة وحده أو سمعت صوت قوي وراك.
سبحان الله احساس الدلدغة يعتبر مزيج من الخرعه والقلق ويشتغل كنظام دفاعي للجسم ضد الأجسام الخارجية. من جذي تلقى روحك تفز من غير تفكير، المخ يكون مفكر عنك وخالص. واذا كان اللي دلدغك واحد تعرفه وتعزه راح تلقى نفسك تضحك لأنك تدري نيته مو شينه، بس إذا كان واحد ما تعرفه أو ما تشتهيه راح تتنرفز وتعصب. مخك يقولك عصب أو تنرفز لأن هالشي مثل تهديد لسلامة جسمك ولو بدرجة خفيفة.
من جذي يقولك الرومانيين كانوا يستخدمون دلدغة الريول كنوع من التعذيب http://www.kumailplus.com/wp-foraten.../kml_blink.gif (تذكرت حلقة من حلقات كارتون باباي القديمة فيها هالشي).
منقول

شكراً للمعلومات .. سبحان الله..
بارك الله فيك..
تحياتي

شكرا لك نجاة امل على مشاركتك الطيبة
لك خالص التحايا

يسلمو المهندس على
طرح رائع ومعلومات مفيده
دمت بود
تحياتي

اقتباس:

---

المشاركة الأصلية كتبت بواسطة نور القمر2

يسلمو المهندس على

طرح رائع ومعلومات مفيده
دمت بود

تحياتي

---

شكرا لك نور على مشا ركتك
وتعليقك الطيب
تقبلي تحياتي

يعطيك الف عافيه اخي المهندس علي على طرح هذا الموضوع الجميل والمعلومات القيمه راجية لك دوام التألق والابداع تحياتي

اقتباس:

---

المشاركة الأصلية كتبت بواسطة جرح بملامح انسان

يعطيك الف عافيه اخي المهندس علي على طرح هذا الموضوع الجميل والمعلومات القيمه راجية لك دوام التألق والابداعيعطيك الف عافيه اخي المهندس علي على طرح هذا الموضوع الجميل والمعلومات القيمه راجية لك دوام التألق والابداعيعطيك الف عافيه اخي المهندس علي على طرح هذا الموضوع الجميل والمعلومات القيمه راجية لك دوام التألق والابداع تحياتي

---

تسلمين يا اخت جرح
شكرا لك ولتعليقك الرائع
ارجوا ان تكوني بخير دائما
خالص تحياتي ومودتي لك

سبحان الله
وله فى خلقه شئون
الرائع المهنس على
كل الشكر والتقدير لك
على المجهود
وعلى المعلومات
القيمة
طرح رائع ومميز
يسلمو الانامل
دمت بود

اقتباس:

---

المشاركة الأصلية كتبت بواسطة darling

سبحان الله

وله فى خلقه شئون
الرائع المهنس على
كل الشكر والتقدير لك
على المجهود
وعلى المعلومات
القيمة
طرح رائع ومميز
يسلمو الانامل
دمت بود

---

شكرا لك darling
على كلماتك الرقيقة
وعلى مشاركتك المميزة
امنياتي لك بالتوفيق
تحياتي