ابوذيات روعه للشاعر % علي الخالدي %

حبيبي الزمن قاسي فاركانه
الحزن ما يوم بعدك فاركاني فاركانه
حبيبي الي احبه فاركاني
وتركلي الحزن والهم عليه

:66 (46)::66 (46):
انه الميحبني ما حبه ولا ريد
وكلبي اله ما يرجع ولا يريد
واذا يرجع اطفنه ولي تريد
ماريدك بعد ترجع اليه

:66 (46)::66 (46):

احبك تدري بيه وانت ناسي
وشلي بغير ناسك وانت ناسي
وياك ميفيد الزعل وانت ناسي
احبك حتلو تزعل عليه

:66 (46)::66 (46):

احبك يابعد عمري وحياتي
اموت ومن تمر ترجع حياتي
وانت اتموت من بعدك حياتي
لان انت الهوه التتنفسه الروح

:66 (46)::66 (46):

الاحبه اهديله كل عمري مع الروح
حبيبي اذا هاوي البعد ابعد ولك روح
انه الميحبني ماحبه بعد روح
لان كلبي انمله من همومك سنين

:66 (46)::66 (46):

حبيبي الي احبه ما وفاني
تركني وشاف غيري ولف ثاني
حبيبي الماضي ما انسا ولف اني
اريدك انت تنسه وهاي هيه

:66 (46)::66 (46):

احبك يا بعد عمري والامال
ويضل حبك عهد صافي ولا مال
حبيبي ويا انه طيب اشو مال
وبقيت انت الوحيد الي اليه

شكرا لك اخوي علاوي على الابوذيات الجميله
تقبل مروري
وتحيتي لك



تنقل المشاركه لمنتدى الابوذيات

عاشت ايدك عيني شاعرنه علاوي الحلاويه واحب اكلك بغيابك مااميز الشمس من في وبدونك انه ماموجود منفي تعال ادخل لكلبي وشوف من في اذا غيرك لكيت اعتب عليهه مع تحياتي الحزينه

كل الشكر لك عزيزي
على هذه الباقة الجميلة
والاختيار المميز
ودام لنا هذا التواصل
مع تحياتي لك

شكر موصول لك اخي علاوي
على هذه الباقه الجميله من الأبوذيات
لك خالص تحياتي

شكر موصول لك اخي علاوي
على هذه الباقه الجميله من الأبوذيات
لك خالص تحياتي

حله منك ياعلاوي صح لسانك

تسلم اخي العزيز علاوي

ابوذيات غايه بالروعه

شكرا لك ولقلمك الراقي 0

اجمل الابوذيات
صح لسان شاعرنا علي الخالدي
وعاشت الايادي على هذه المشاركة الحلوه
تحياتي

شكرا الكم حبايب قلبي على هذي المشاركات الروعه
وشكرا الج ( امل الحزينه ) على هذي الابوذيه الجميله

تحياتي الكم

شكرا اخي علاوي ابو ذيات حلوة كلش
تقبل مروري اخي علاوي

الدهر بجفاك طشرني ولمني.وعليك الكلب عاتبني ولمني.فراكك حيل اذاني ولمني.جرحني وضل اثر مطبوع بيه

اشكركم حبايب قلبي على هذا المرور الناجح والمتألق تحياتي الكم