أذا تلوح النجم أكَرب ألك يهواي وكَلبي لا تجيله وتوصل الحدة !!

أذا تلوح النجم أكَرب ألك يهواي

وكَلبي لا تجيله وتوصل الحدة !!

يالجفك ذبح كَلبي ودفنته أبليل!

تريد بكل جسارة الميت اتكَعدة؟؟

لا تفتح جرح بالكَوة خيطناه !

لو ينزف بعد متكَلي شيظمدة؟؟

لو حسبت جرح صدكَني هم تهون!

جم طعنة غدر بحشاي متوسدة؟؟

الشاعر من تجرحة ابياتة ينزفها!

جرح منك نزف ديوان وتعده!!

ضنيتك مطر واترجة منك فيض!

ما ادري برصاص أغيومك أمرعدة!!

لجلك حاربت أهلي وجميع الناس!

وسيفك للاسف بضلوعي وتحده!!

بابك منفتح للرايح وللجاي!

وانته بكل صلافة بوجهي وتسده!!

يالحبك رمل ودموعي ضاعن بيه!

وبحرك من جمر نيرانه مشتدة؟؟

لتحاول تجي انته البديت بهاي!!

ماي الينجفي متكَلي شيردة؟؟

ماريدك بعد خلي الكَلب يرتاح..

مليت العشَك والروحة والردة!!


منقووووووول

مع تحياتي

ان قلت متميزة في انتقاؤك لكل ما هو جميل ورائع فقد قلتها من قبل وصارت قديمه
ساقول هذه المره الله لايحرمنا جهودك وتعيشين وتنقلين
تقبلي مروري
وتحيتي لك

تسلميلي غاليتي فاتن على نقل قصيدتي هذه...تحياتي لكِ ياوردة.

شكرا لك ياكناري وشكرا لمرورك المميز الذي يضيف الى صفحتي النور والبهجة مع تحياتي يالغالي

اهلا بك ياشاعرنا المبدع جلال البطاط كم يفرحني انك زرت صفحتي المتواضعة وسررت جدا ان القصيدة التي نقلتها ان تكون لحضرتك لك حبي وتقديري وكل احترامي اخويه الغالي

بابك منفتح للرايح وللجاي!

وانته بكل صلافة بوجهي وتسده...
يا روعة ....جميل منقلته والاجمل ذتئقتك السليمة مع ودي..شوك

تحياتي لك ياشوك مع الشكر

تحية عطرة لصاحبة الذوق الأنيق
شكرا لجميل انتقائك
وعاشت الأيادي
تحياتي

شكرا لك ياسومري مع كل الاحترام والمودة