ولو ضكَت مرهه فلا تكَــــــــدر عليك
لن حلات المـــــــــــر اذا عودك قوه
بيهه ناس تشوف عمرك كله ليـــــــــل
وتستلذ لو منهــــــــــه جديت الضوه
ولو كَلت ماريد هم يطلـــــــــــــع نهار
تخنكَ بجف الصبر ريتة الهـــــــــوه
اعطش ولا تذل لو عافك المـــــــــاي
وجم زرع عافه ولا بالـــــــــذل روه
احركَ بنار العطش مـــــــــــنة الماي
العلكَمـــــــي من بحر عبــاس انجوه
ولا تضيع اسنينـــــك بدرب السراب
وكَبل حربك ترفع النصـــــــرك لوه
نخلة وحدة وعثكَ واحد بيهـــه ظال
اليصعد بزوده عوافي شمـــــا حوه
ألما صعد كَال السبب بالنخلة جان
ثق يكيف لـــــــو رجع بس بالنوه
اللبس كوم اوجوه كَدامـــي غشيم
عله بعين الغشمه وبعينـــــي هوه
بحكمه خليته اعله مايه وما حجيت
وانه اميز الظاهر امن المحتـــــوه
فصل بكتاب الوكــت مريت بـــي
ما طويته النــــــاس كالتلي انطوه
بحر يجري وكَطره سواهه الحياء
اثنينهن عد الله نفس المستــــــــوه
