اعتذر اشلون گلي انه اعتذر
بطه ماتسوه اعتذار..؟؟؟
ايروح فدوه الها العمر..
بطه نخلة طيب حره
اشما تمسها
تنطي طيبتها التمر..
يا زعلها الليل چنه
ايعذب گلوب السهارى
وتطر بسمتها فجر..
والد وحگه اعلى بته
تحمل حچايته وصمته
ويا صبرها اكبر فخر..
نوره لحديثات اجتچ
رادن ايمسحن دمعتچ
گولي صالحني زهير
وما صبر..
الروح اصوغنها تراچي
والعمر محبس يمنتچ
وضلعي نوره ايصير
لعيونچ جسر
انتي جنه تدوربيها
اجمل حواري..
ونتي لشراف
البنات اكبر
قصر..
الاخت احلاهن بطة
اخطأت بحقك
واعترف بذلك اما الجميع
طالبا السماح ومقدما اعتذاري
زهير العقابي
