[quote=شاكر الهلالي;933171]المقدمه
اذا أكـتـب أثـنــيـها الركـبـتــيـن
وما غـير الضمير يكون رادعــني
أسوي حروف ضادي بشعري طلقات
وأذلنها الحروف الما تطـاوعــــني
***
قصيدة شما طال الصبر
***
مو سلعه الشعب لليشتري تبيعـوه
عيب اعله السياسي يساوم بشعبه
بأصابعنه صعدتوا وصرتوا خوش ارجال
ســـت شـهـور مـــّرت والحــكـــم لعبه
مـــــــــره يكون هذا ومره ينزل ذاك
صفه هــــيج السياسي اتنزهه الرغبه
راهـــــــــنـّه بدمانه وصرنه سد للموت
وعشناهه ابــصبــــر ايامنه الصعـــبه
وجـــبتوهــه كذب وادمانه حمّامّات
وعـيشــتـوا العراق بمية الف كذبه
جوعــنه السياسي ونايم ومتخــوم
مــو وحده انتخم متخوم وي چلبه
نشرب ماي جايف والنهر موبوء
وهو يشرب ابطاله من النبع عذبه
انطي الاسد حصته وخله يشبع زين
اذا جايع يظــل مو ضاملك ضـــربه !!
إشتظن سهله الاسد حقه يظل مغدور
وانت تبـــوگ حصته وصادرت تعبه
للتاريخ نكـــتــب والسجــل موجود
وكل الصـــار بـيـنه انـدونه ونكتبه
وين العاش گــبلك طـعـم ظل للدود
بمـــزبلة الكراهه وما نفـــع حزبه
صفت طشار ربعه وخايفه من الموت
واحكام الشعـــب تحـتقـــره واتسبه
على متون النبي يصعد ابو الحسنين
من عالي الحجر يتـناوشه ايــذبــّـه
انــتـم من حجــر لو نصب لو ازلام
شما طال الصــبـر تتنـظـف الكعبه
بقلمـــــــــــــــي 0
الرائع
شاكر الهلالي
ابدعت
ونطقت حروفك صدقا
اتشرف بان اكون اول المارين
فما اروع ماكتبت
وما اروع توقيعك
الذي نزلت وقبلت محتواه
دام ابداعك
دمت بحفظ الرحمن
