برج العطالة بطالة
1-انت شغلتك داجة
محاولة الحصول على تعيين متفيدك
حاول ان ادبرلك واسطة وحضر كم فلس وصير واقعي
حظك هالشكم يوم
لو تعيين لو لا اني ما ادري
برج الحبجيات
2-بطلن ذني سوالفك التعبانة
حبجيات ومدري شنو وكارتات
اعلم انك لو استمريت هكذا
رح يطيح حظك فرد نوب
حظك هالشكم يوم
هسة يطلع واحد من جماعتك ناصب عليك
برج الواكع بالحب
3-انت جدا مهتم بالمسائل العاطفية
ترة ذني ميفيدنك بالمستقبل
لا تباوع مسلسلات تركية هواية
حظك هالشكم يوم
احتمال يصير بيك انهيار عاطفي وتوكع من الدرج
برج الصرف
4-لا تسوي روحك واكع بالحب
وتسمع اغاني مال هالوكت
اشحن موبايلك جيدا قبل انطفاء الوطنية
حظك هالشكم يوم
اشتري رصيدك خطك رح يحترك
برج شغلتنة تعبانة
5-لماذا انت تلح بهيج شغلات
يابة صير عاقل واصبر
ولو الصبر ميفيدك لأن هوة البرج يكول هيج
حاول الاكثار من اكل الاندومي
حظك هالشكم يوم
بس انتة حظك اعوج ما ادري ليش
برج التفيك
6-لا تتفيك هواي عالعالم
ترة التفيك مو زين
خصوصا في الاماكن العامة
ترة الناس تعتبرك سخيف
حظك هالشكم يوم
رح تتعارك ويحمسوك علمود تبطل تفيك
برج المحششين
7-وك انتة ليش متعرف تصرف زين
ولك لا تكطع التدخين وحش هواية جكاير
لكن من الاصرف لك
شراء تكة احسن من الباكيتات
حظك هالشكم يوم
بطل الميامي وارجع عالسومر احسنلك
برج المفصومين
8-انت متأثر بشخصية مراد كثيرا
وخابص العالم بيه
ترة هية مسلسلة مو صدكت
كول ( مراد الله لا ينطيك )
حتة تتخلص من اعراضه الجانبية
حظك هالشكم يوم
احتمال ينزلون الموسم 1269 مال مراد
برج التمسلت
9-حياتك تمسلت بتمسلت
متصرلك جارة وقافلة عليك
انظر الى الامر من الجانب الايجابي
اللي هوة رح تظل محدق طول حياتك
حظك هالشكم يوم
ظل هيج احسلك
برج مو مال نصيحة
10-دير بالك تأجر تكسي سيارة حديثة
ترة ذولة قفاصة
خليك عالبرازيلي ولا تكلي ادور تبريد
شبي الجو مو لطيف
حظك هالشكم يوم
لا تعاندني ترة تخسر
برج المضحوك عليه
11-انتة حبيبك ضاحك عليك
يكول شو بسرعة حبني
قلل من الاتصال به
واعتمد المسكولات لصرف اقل
حظك هالشكم يوم
دبلة موبايلك الصيني وذا صوتة عالي
برج اليأس
12-انتة اخير برج ما ادري شكلك
صايرة هوسة ومصاريف وايجار
حاول الانتحار من ديلاب الهوة الموجود بالزوراء
حظك هالشكم يوم
لا تروح للزوراء خاف صدك اسويهة
