ابوذية منقوله من ديوان الشاعر "الحاج زاير"
نحل جسمي وتظل روحي تعالي
هبطنه والنــــــــــذل بينه تعالي
يجارة الدهر ما انصـــف تعالي
نخلط همومنا ونجسم ســـوية
وحك المرتضى ايمامك وامامي
عبيط الدمع لفراكك ومـا ماي
هوه الناكه لفة خلفي وما ماي
الهوه مدري لويـن ايريد بيه
نحل جسمي وزاد اليــــــــــوم مرضاي
على اللي ما شفت له شخص مرضاي
لو بات الترف بحشــــــــــاي مرضاي
اكلـــــــــــــــــه اكرب يهل مبعد عليه
اهل هل وكت بالك تمـــن بيهم
ادنان وعيب يحصل تمن بيهم
ثلاث من الخصــايل تمنبيهم
الجذب والفتن والشوفة الرديه
يعاذل نـــــار شوكي هل تمسني
اهديني الشوف حبي والتمسني
بجه من مـــــد يمينه والتمسني
لكانــــي نفس ما مش جسد بيه
الزمان ويالجواد بســــكم كصرن
ويبني بيوت للانــــــــــــذال كصرن
الكصير يطول وال بي طول كصرن
الصكـــــــر يطلب من البومه هديه!
