قصه حب شاب البنت الجيران

قصة حب شاب لبنت الجيران

قصة حب شاب لبنت الجيران


في يوم من الايام اجوعائله المنطقتنا جدد حطو يمنه.
انه جنت ثالث متوسط اذكر فه ذوله الناس عدهم ابنيه الله يستر عليها اسمها نور
بس اشلون نور شمس وتشع من تمشي تصور اغنية ياس خضر البنفسج من تضحك احس ابروحي مطي ابهاي الدنيه الشعراسود عبالك الساعه ثنتين بالليل العيون كتاله ملاك موابنيه.
حبيت هاي البنيه متت عليها .
اشوفها مرات بالدربونه اموت اضل ماصيطر
اردم بالحيطان
چنت يوميه العصر ابدل واكشخ واوگف اباب البيت حته من تطلع اتشوفني وفرحان امكيف عبالك رايح سفره من تعبرمن يمي اضل بس ابتسم .
اتباوع عليه هيه ابگلبها جنها اتگول امنين هذا الاثول.
فه چنت الصبح من اروح للدوام للمدرسه اركب
البيسكل مالتي واروح من اوصل يم باب بيتهم انه افلت الزنجيل مالت البيسكل مالتي وبقا شگلك اصلح بالزنجيل حته تطلع هيه للمدرسه مالتها
وشوفها بقيت يمكن اسبوع بعدين طلع دوامها عصري
يوم منهن فلتت الزنجيل ونزلت اسويه طلع ابوها
شافني اشلون ابو هوه سمين وطويل اتگول تانكي مال مي گلي شتسوي گتله الزنجيل فلت
گلي ولي منا لا اشبعك كتل گتله العفو عمي گلي عمه العماك يوميه من الصطح اشوفك اتفلت الزنجيل وتنزل اتسويه شني بنچرچيه احنه بعد ماريد اشوفك هنا لا اهلسك هلس امشي ولي
اخذت البيسكل وفلتت بالعزيزه
فه رجعت كلعاده العصربدلت او وگفت بالباب
هيه هم طلعت رايحه للمدرسه باوعت عليها اتگول يتيتم ومقلص جسمي عله اساس العب حديد انه
هيه ما باوعتلي ولاچن واحد واگف حسبالها انه
الناطور مالت المنطقه
فه اخذت البايسكل مالتي ورحت ابراس الشارع
وفلتت الزنجيل وضليت اسوي بيه شگلك خرب
وصلت يمي هيه چان اتگلي انته اشبيك مريض
اوراحت.
انه بس ابتسم اوزع ابتسامات عليها واگف اثول بس فاك حلگي ميت من الفرح وايديه گلها اگريزمن الزنجيل انه هم خليت ورجعت للبيت
فرحان طاير من الفرحه
وگول الله الله اليوم گلتلي مريض باچر اتگلي احبك امكيف .
چلبتلها تچليب بالليل افكر بيها وبالنهار امبدل او واگف اباب البيت وين ماتروح اروح وراها
اتگول عربنچي بيسكلي وفتر
فه بدلت مكاني عله اساس انه لوتي ضليت اروح الراس الشارع اتانيها وره اشويه اجت هيه شافتني اكسر الخاطر حلگي صاير متر عله گد ما ابتسم گلتلي بس اريد اعرف انته اشبيك شو
دوم بيسكلك خربان وزنجيلك فالت وبس تبتسم
وتتباوع عليه اشبيك گلتلها وبكل ثقه انه احبچ
ضحكت انه هم ضحكت گلت يا الله راح اتگلي اموت عليك چان اتگلي ابني انته مراهق بعدك روح راهق وتعال اومشت.
انه انقهرت اخذت البيسكل ومشيت مشيت سريع حيل سريع چانلك ايطگ التاير ونچبح عله راسي ويومين بالمستشفى انفشخت ابراسي وايدي انفصخت وحال الضيم حالي .
ما گعدت وسكتت واكلت البوري المعدل الي اجه ترس ابوجهي وحمدت ربي لا ضليت احوم
مثل عتوي اموچد سمچ
فه عصريه من العصريات شفتها وهم لزگت الها گالت عوع هم انته ابو البايسكل المخبل وين بيسكلك ما جايبه اليوم .
گلتلها والله احبچ بس انطيني فرصه اريد اعبرلچ
عن مدى حبي الچ
گلتلي ياحبك هوه انته مال حب انته مال خمس طليان وتسرح بيهن كافي عليك گلتلها صدگيني احبچ
هيه ضحكت گلتلي خوش باچر تعال هنا وعبرلي عن حبك يا روميو ابو البايسكل.
انه طگت مجاري الفرحه عندي فد نوب
ضليت ماشوف اتگول صخل منتول
رحت ركض للبيت فرحان ومكيف بس دخلت
البيت جبت الاوتي وحضرت قميصي ورحت الصديقي اياد الله ايذكره بالخير اجيب بنطرون
دگيت الباب عله اياد گلي ها ولك اشبيك صاير اصفر ومگلوبه خلقتك گتله اياد اخيك اريد فد بنطرون عندي موعد غرام باچر
گلي عندي بنطرون استوني مشتريه بعدني مالابسه انطيكياه بس ديربالك عليه
گتله احطه بعيوني مويدلل البنطرون
اخذت البنطرون ورحت للبيت.
ليلتها مانمت بس اغسل واكوي فرحان
واتخيل من راح تجي وتگلي حبيبي اتاخرت عليك خوما زعلان مني وانه اگلها لا حياتي بس بعد لاتسويها خوش تره اعوفچ وهيه تبچي.
المهم
ضليت گاعد مانمت اتاني العصر اشوكت يجي
فه اجت لحضة اللقاء واجه العصر وياريته ما اجه ولاشفته.
انه هم بدلت وكشخت ولبست البنطرون مال اياد وخليت عطر وساعتين امشط ابشعري
ورحت الراس الشارع وگفت اتانيها ومبتسم
واغني باغنية رياض foraten.net/?foraten.net/?foraten.net/?foraten.net/?
احبك ليش ما ادري ما ادري
مره اسال عيوني ومره عيوني تسالني
احبك ليش ما ادري
هسه تجي ماكو بعد اشويه تجي انوب ضليت اشك گلت ايصير انه حلمان
فه تعبت من الوگفه گلت خل اگعد گعدت عله الرصيف وره اشويه بين حلم بين صدگ
ماحسلك اله واحد لزمني من علباتي افتريت
باوعت عليه ولنه ابوها گلي ها گاعد اتاني بيسكلك حته اتعبرله عن حبك ها
اله ابنچر وجهك وطاب طيب
طيح حضي شبعني رفسات ايشيلني ويدگني بالگاع سواني تشريب اتولاني چلاليق طورشني راشديات وين اليوجع صدگ بنچرت
هوه ايدگ عليه وانه اگله
ولك----- ولك
البنطرون ---------البنطرون
البنطرون مال اياد هوه ايگلي انعل ابوك لابو اياد وياك
هاي قصتي ويه بنت الجيرااااااااااااااااااااااااااان

منقوووووووووووووووووووووووول

موضوع جميل اخي العزيز
هعهعععععع

hitman.go

شكرا ً للمرور العطر


اسعدني تواجدك

هههههههههههههههههههههههههههههههههههه
والله حلوه ياايليا
اكولك هايه خاف قصتك وتكول منقوله؟؟؟ههههههههههههههههههه
كل الشكر لك اخي ولروعة ماتتحفنا به
تحياتي

ههههههههههههههههههههه
موضوع رائع اخي العزيز
ننتضر الجديد مودتي لك

هههههههههههههههههههههههههه
كول الصدك بعدك تذكر الكتله من ابوها فلهذا كتبت الموضوع وتكول منقول
ترى عادي هي ايام المراهقه بيه هوايه كتلات
هههههههههههه تسلم حبيبي الغالي ايليا

سؤال
اكو اثار دائما
ومتتذكر اكثر طكه وين وجعتك بس الصراحه انا انقهرت على بنطرون اياد
ههههههههه
عاشت الايادي

هههههههههه...متجوزون من البواري...هع

هههههههههههههههههه

قصه اتخبل شكرا ايليا على القصه

هههههههههههههههههههههههههههههههههههههههههههههه احلى قصة وربي ضحكتني

هههههههههههههههههههههه

عاشت ايديك تخبل القصة
بس ما افتهمنا البنطرون وين صفى بي الوكت هع

تحيتي

اقتباس:

---

المشاركة الأصلية كتبت بواسطة ام علاوي

هههههههههههههههههههههههههههههههههههه
والله حلوه ياايليا
اكولك هايه خاف قصتك وتكول منقوله؟؟؟ههههههههههههههههههه
كل الشكر لك اخي ولروعة ماتتحفنا به
تحياتي

---

هههههههههه وداعتج ام علاوي منقوله القصه
كل الشكر لمروركِ الجميل
لكِ الف تحيه

اقتباس:

---

المشاركة الأصلية كتبت بواسطة Angry girl

ههههههههههههههههههههه
موضوع رائع اخي العزيز
ننتضر الجديد مودتي لك

---

كل الشكر لمروركِ المميز
سعيد بوجودكِ في متصفحي
دمتِ بخير

اقتباس:

---

المشاركة الأصلية كتبت بواسطة عاشق النساء

هههههههههههههههههههههههههه
كول الصدك بعدك تذكر الكتله من ابوها فلهذا كتبت الموضوع وتكول منقول
ترى عادي هي ايام المراهقه بيه هوايه كتلات
هههههههههههه تسلم حبيبي الغالي ايليا

---

هههههههههه وداعتك حبيبي وتدري بيه شكد اعزك
القصه منقوله
وتسلم على هذا المرور الحلو
ومنور يا غالي

اقتباس:

---

المشاركة الأصلية كتبت بواسطة امير بكلمتي

سؤال
اكو اثار دائما
ومتتذكر اكثر طكه وين وجعتك بس الصراحه انا انقهرت على بنطرون اياد
ههههههههه
عاشت الايادي

---

هههههههههه ليش هيجي امير تنقهر على بنطرون اياد ومتنقهر على الولد
تحياتي الك حبيبي وسعيد بمرورك
لك كل الحب

اقتباس:

---

المشاركة الأصلية كتبت بواسطة بنت النجف**

هههههههههه...متجوزون من البواري...هع

---

مو اليحب بلوه ميجوز لا من اول بوري ولا من الثاني
شكرا عزيزتي على المرور الجميل
وتحياتي الى اهل النجف الطيبين

اقتباس:

---

المشاركة الأصلية كتبت بواسطة عاشق كل جميله

هههههههههههههههههه

قصه اتخبل شكرا ايليا على القصه

---

وشكرا حبيبي الغالي على مرورك
تحياتي الك يا عاشق

اقتباس:

---

المشاركة الأصلية كتبت بواسطة ورده الانبار

هههههههههههههههههههههههههههههههههههههههههههههه احلى قصة وربي ضحكتني

---

شكرا لمروركِ يا ورده الانبار
سعيد جدا بوجودكِ
تحياتي لكِ

اقتباس:

---

المشاركة الأصلية كتبت بواسطة همسة ولاء

هههههههههههههههههههههه

عاشت ايديك تخبل القصة
بس ما افتهمنا البنطرون وين صفى بي الوكت هع

تحيتي

---

هله بهموسه ههههههههههه انتم متكلولي شنو سالفتكم ويه البنطرون الولد خطيه شبع ضرب محد سئل عليه تسئلون على البنطرون
تحياتي هموسه وشكرا لمرورك ِ
ومنور ه عزيزتي