حرت مدري شقدم من نجحتي
وباسمج انه ما اكدر اجاهر
جواهر غاليه ومكدر اقدم
اقدم اشلون مو انتي جواهر
اصيله منسقه وكهرب وجنتج
كمر باليل وجهج يضوي باهر
حلو طبعج رقيق ايذوب اكلوب
ذوبني وصحت يارب يقاهر
حسنج مو طبيعي بحاجه حراس
ولجل عينج صرتلج سيف شاهر
دراجي المحب وزين تدرين
وتكليلي جذب من بني داهر
تناديني بدهر عمو وتعرفين
تفر عيني عليج وما اظاهر
شنو جفج دوه ولمستج تعقيم
وبيدج كل ملوث صار طاهر
همت بيج وصرت مثل ابن عمي
سهرت الخاطرج سموني ساهر
طبيب انه وعفت طبي ومهنتي
شلت سهمي وصرت صياد ماهر
واخيرا روحي حبت ارد اجيكم
ونويت انه بصراحه ارد اصاهر
حمد ارجوك احفظ هذا سرنه
وخبر بصراوي جانه اليوم سرنه
مشينه بليل انه وياك سرنه
وخطبنه انطو الك منطو اليه
الدكتور
سلام الدراجي
