عينك سواد الليل والكمر خدك *
** وشتسوة يالمحبوب هالدنيا بعدك
.....................................
اخباري ضيم واه يوم الاعوفك **
* والفرح طعمة سموم من ماأشوفك
................................
لو تدري شنهو ألصار بيّة و جرالي .
.. من فرگتك إبليس يبچي اعلة حالي
.................................
نور ونظر للعين ولكلبي دكات*
**لو بيدي اودي الروح ماودي كلمات
...............................
ظلمة ودرب عاثور ليلة شته وغت
روحي اشتهت ملكاك عتتني الك عت
...........................
تحت الجفن تمــثال انحـــت معانيك
بلكي من اغمض العين بالطيف الاكــيك
..........................
اخرس واسولف بيك اعمه واشوفك *
** من عمري لو ظل يوم لتظن اعوفك
.....................................
من عيني انه ارويك لو مر عطش بيك
وبكلبي عايش دوم لا تضن ناسيك
........................
سبحه وخرز من طين ونكطعت بماي
هيج انه حالي يصير من تكطع وياي
.....................
گلبي أندمج وياك بيدك قفلته *
** أغلى وأعز انسان صدكني أنته
.............................
تدري شكثر مشتاگ ياسلوه العين
والله بكثر خطوات زوار الحسين
.........................
متروسه روحي هموم محد حملها
مدري من اشوفك ليش انساها كلها
.......................
مما راق لي
ارجو ان ينال اعجابكم
