الوقت..غبشه
المكان..بغداد
الحدث..ولادة
التاريخ..9-4-
تطلك ومعسر وكتها
وماكله من الشهر دنيه....
تصرخ ومغضب حزنها
وتعبت من الاه هيه....
سنين بيها انذال تلعب
وحبلت الجانت بنيه....
انه بت بيت او اصيله
وشككوا ثوب العليه....
سكروني بعطش دجله
وكلبجو بالعار اديه....
ونفشّوا راسي وريشي
وخذو ماي الشرف ديّه....
ودنكت راسي وبجيت
ونزلت الدمعه الابيه....
وصرت اغني..
وصرت ابجي..
اشلون داده
لوكرب يوم الولاده
التموا بيوم الولاده
وجم طبيب البي اذيه....
صاحو المعسر تنادي
ويا علي صاحت خطيه....
ها يبو الشدات احضر
باب خيبر مات بيه....
وماتت بتاريخي بابل
ومات مجد السومريه....
كون ميته ولا اشوف
بليس جايبته هديه....
ولا ربى اليهوه الكراسي
وبكل نذاله ايبيع بيه....
وصاحت الحراس لحكو
احتاجت التطلك اميّه....
ونترس بيه الفرات
ودجله طشت واهليه....
وجابت المحرومه قصه
بيها ذل العسكريه....
جابت ابنيه جميله
تلعب بجف بندقيه....
القابله بت بوش اظنها
والصاله صالة طائفيه....
احتارو الكل باسمها
وكثرت الاارء بيها
اظن فدرالي اسمها
والاسم مدري شنيه.....
وهلهلت صوت البنادق
وطاح جسر الكاظميه....
فلشو كبة الهادي
وماتو بتكريت 100....
وهدو جلاب السياسه
وبقذارة سلفيه....
وكطعو جفوف اليزورك
يابو فاضل
والقتل صار بهويه....
اسم حيدر بالرمادي
مايفوت..
وسم كاظم مايمر بالاعظميه....
وعمر في بغداد يقتل
وبكر يذبح في عليَّا....
وك صرنا بيد الناس لعبه
امركاني وفارسيه....
ريت 9-4 لارد
بيد ناس الاجنبيه....
هاي قصتي بالمأسي
والولاده للاسف جانت
رزيه......
بيد اشباه الرجال
بغرفة الدبابه .باتو
والولاده قيصيريه....
وماظن عندي نهايه
وليكلك باجر تصير
الحكومه
من الف
نعله اعلى ابيه....
بيد ابو سفيان ظلت
ورجع عصر الجاهليه....
بيد ابو سفيان ظلت
ورجع عصر الجاهليه....
بقلمي
زهير العقابي
....كلمات اللون البنفسجي
منقول اغنيه من
الموروث الشعبي
