أعلگ الروح شموع لمـّن ألاگيك
وافتحلك الذرعان وبگلبي اخلـّيك
-
تاهـت واريد وياي تنشد عــلــيــهـه
روحي اللي ذابت بيك ما أدري بيهه
-
لاتنشد اعله الروح خليهه يمي
ارتبطن بفد شريان دمك ودمي
-
ما انسي وعدي وياك حد نزعة الروح
بس سرنه يبقى ابـّير لتخله مفضوح
-
بخير وأريد اتدوم عشرتنا وياك
غالي وعزيز هواي لتصدگ انساك
-
روحي اشتهت ملگاك واتگول اريده
صلفه وتريـدك دوم كـلـش عــــنيده
-
رايــد اشــمك حيــل اتدنه يــمـّي
تنسعد روحي وياك تنسيني هـمــّي
-
لاتظن مني انساك لاساعه لايوم
واتمنى تبقه وياي كل عمري للدوم
-
عمري الگضيته وياك صدگ ممحسوب
يخلص الليل بــساع يا أغلى محبوب
-
سهرت عليك العين ما تقبل تنام
واتنطرت ملگاك صار الــهه ايام
-
يالغالي حن ارجوك لو بالرسايل
ما كو خبر معـــلوم المـن اسايل
-
اسألــمن آنه عليك يالدارك بعـيــد
تدري الوصال وياك بس هو اليفيد
-
اشتد واجي عنـّاي للراده گلبي
احنيـّن وطيب ذات وعيون تسبي
-
يستاهل المحبوب أهديله العـــيـون
لو طلب گلبي انطيه فوگاهه ممنون
-
أطلب حبيبي الروح وآنه انطي شتريد
تـتــد لـل ومـمنون يـالـشوفتك عـيـد
0 بقلمي
