فرحفحت روحي **
ياعــشك شفتك حلم
فز بــيه خيالي واختنگ
وحسيتك اگرب لگليبي من الدم
ونفس الريه بيه تشهگ
ومصباحك زفة طيور
ماخذها العزم
وبسما ليالينا لو دلهمت
بدر تنفلگ ......
وسنك يتغاوه بالشفايف
من تبتسم .....
وزلوفك غفت فوگ
خدك بشوگ ......
وعيونك مهره بلا عنان
ولا لجم ......
وجفنك بريسم حرير
شابكته شبگ .....
اشتهت روحي من
شافتك ......
وصارت بيك تهتم
ودبيت ..... بالجسم
حرورة عشگ ...
وادري بهذا الوكت
الحب جنون .....
وآخرته ندم .....
لچن روحي هيمه
بعازة مزن .....
ونشتل بيها اسمك
ريحــان ....
تشبكه وتشم
والكلب طين حــري
لو مر بيه العطش
يتشگگ .....
حطني بجفوفك معاضد
بيهن تتباها الحديثات
وترچيه اعلى متنك
انامن ....
نوم مسعد
وشم عطرك شم مكبوت
وابرد .....
يالريحك بخور ........
يفوح من معبد
وشعرك كحل للعين
بيه تشفه من الرمد
وصوتك تغريد البلابل
وهلهولة عرس .....
وازود ...........
فرفحت روحي من
شافتك ....
لأن حسنك حور
وطبعك صد ......
وانته اعلى البعد
اهواك .... ياگد
وحتى الدروب .....
مني ملت ........
تعبهه الروح والرد
ولو حنت روحي لوصالك
تحضن خيالك .........
وبيه تتوسد
بقلم / طالب الناصري
