سدينا شط السيد..
طرزت ثوبي حجي
ومعاتب الحبنا
وشديت بيدي علك
وسوالف تلمنا
ورسمت صورة محب
بشفاف اليسبنا
وخطيت بسمك عتب
يلعب بشارعنا
وطشيت بيدي نذر
لعيون اليودنا
ولفين ورده ازرعت
يم بيتك ويمنا
ورشيت بابك غزل
يالمبتعد عنا
وك خليني حارس الك
ويم بابك اشتلنا
بس لاتظل ياترف
للموت حارمنا
نهواك جلمة حفظ
اوخرزه تحملنا
وخلينا غنوة فرح
للدوم تسمعنا
وخلينا الك خضرمه
ومن الحسد بخرنا
ومبخوت احجي علي
او كلشي سمعنا
وك مشتاك اضمك الي
والشوك ذبلنا
والشفه صارت خشب
وبشفتك اسعفنا
واحضاني غربه صفت
اشوكت تحضنا
ايه..
ياربي عمري خلص
ياربي ساعدنا
وخلينه ننسى العشك
وينه اليصبرنا
وخليها تبقى حلم
ونلم سوالفنا
بس كلمة الحب بقت
بسمك تذكرنا
وسدينا شط الحزن
يلما تسد شطنا
(( بقلمـــي / زهير العقــابي ))
