[quote=طالب الشمري;893132]
اقتباس:
المشاركة الأصلية كتبت بواسطة زهير العقابي
هضيمه البشر من ينغر
وعلى الخوان يتكبر
اظنك شاعر وحساس
وشفتك بالغرور اصغر
عاملتك اخو وشديت بيك الراس
وصرت بكل قباحه وياي تتشطر
يغثك لو شفتني بحضرة الطيبين
وانت بليس يمك كل وكت يحضر
بيضت الاسامي وكلبك اسود ليش
كلب حاسد العندك ونته شر بشر
مثل لعبات جاهل تلعب اوياي
وانه ادري الغشيم بلعبه ايكسر
ادري حسين مات بكربله عطشان
لجن بسمه النصر لليوم يتسطر
ولك ابن العاص انت الشوه التاريخ
وعلي حامل رساله وفكره المعطر
تتظاهر بعفه وانته كلك شين
اعرفك زين اعرفك كافي لاتنغر
تريد تبوكني وانه حج بيت الله
ونته بسبحتك عل ناس تتبختر
احترمك واكلك انته كلش زين
متغزر محبتي شنهي ليغزر
ثوب بليس لابس والجسد شيطان
ومن عنده البراءه بسرعه تتبخر
انه ابن المدينه العبت على بليس
ونته وياي رايد تلعب او تفتر
تربات المدينه وبيه سبع حظوظ
يا لتربات غيره اشبيك تتحسر
احذرك وانتبه لا تلعب وياي
تره بشر الحليم النار تتوجر
امكشر بالردتها بليس للشيطان
يلوك الكل ردي شينات تتسطر
حب بحب اعيش وروحي تهوى الناس
وليركب طريق الخير ماظن يوم يتعثر
حب بحب اعيش وروحي تهوى الناس
وليركب طريق الخير ماظن يوم يتعثر
كلماتي ...مسلطه على قلوب لايعرف الحب مكانه عندهم..الى الذين يستكثرون على الغير كل شيء..ظنوا انهم الافضل ..
رسموا لنفسهم ما ليس فيهم..
اعلم ان قصيدتي هذه ستعود علي بشيء من الغضب..لكن انا نذرت كلماتي لقول الحق
زهير ناصر العقابي
احذرو ثورة الحليم اذا غضب
وها هوه اخي وصديقي
صاحب القلم الذي ينبض بالشفافيه
والرقه وعذوبة المشاعر
يكتب بغضب شديد الهجه
اخي الغالي كلمات غاضبه
اشعلت في قلبي النار
لك مني هذه النصيحه
أشلع سنه اذا حبيت مره تلاعب الحيه
وربي جلاب ؟؟؟؟ وسهر ليل اذا ربعك حراميه
عرفنه وعاشرينه هواي لا تسعين لا ميه
وزرعنه وننطر البستان يكبر نكعد بفيه
ولمن خضر البستان اثمر بس انانيه
وكت والدنيا لعبت زار ظل حظ القمرجيه
واذا صارت العشره اقمار ما تنفع حسن نيه
جرب صاحبك كل يوم أخبطه وشوف صافيه
واذا يركد بديك الطين بالك من تواليه
وانام وعين تنده عين واذ تحسب بكلب الذيب حنيه
تعض اصبع ندم للدوم تتذكر عمر مطعون ماضيه
وانه شكد اخذت دروس ظلت بذني ترجيه
البشر معدن تنك هاليوم مابيه غير لمعه وقيمه
منفيه
بهدومه البشر ينقاس ما ينقاس باخلاقه ومحاجيه
وتعال وباوع بهالناس كلهه اليوم افنديه
تحياتي لك ايها الغالي
اخاك طالب الشمري
الاخ طالب الشمري
تحياتي
واحترامي
اخي الغالي
وجودك معي يعني ما يعني
فان ثمار الخير تكون باقيه وزاهيه
تنمو وتكبر في قلوب المحبه خاليه من الاحقاد
ولان معدنكم الطيب وشعرت باني اعاني اتيت كي تقف
مع اخ وصديق لك طالما احترمك وكتب اسمك في سماء المقربين
بلقم العريض
طالب الشمري
هكذا انت كبير في مكانتك عندي
اشكر تواجدك معي
لا حرمني الله منك
تمنياتي لك بالخير والسلامه
