جفوفي اكصار والدنيه تريد جفوف
ودولاب الوكت يفتر مثل ناعور
وانه مابين دنيه اتحزمتلي حزام
التفت عليه وبالهموم تدور
والوكت الردي الحط ايده بيد عداي
كبلهم هد عليه محزم بساطور
مديت الجفوف وردت الاوي بزود
لن جفي كصير من الزند مبتور
وانه طبعي الشهامه ومااطخ الراس
عزت علي روحي وحاربت مجبور
لان عداي والدنيه وحزنهه عليه ملتمات
وانه بطرك روحي وخاطري المكسور
وجثيره عيون متلهفه تريد تشوف
عليه ياصفحه اطيح ودكتلهه نذور
خان الحيل بيه وكثرن الطعنات
انحنيت وماطحت مثل الكصب بالهور
ماوطيت راس وكابلت عين ابعين
بشفافي الضحج والكلب حر تنور
انه بشدة اجروحي اتكتمت عالاه
اخاف اويه النفس يتكشف المستور
مديت الجفوف وردت الاوي بزود
لن جفي كصير من الزند مبتور
***** بقلمي *****
