***** دربك *****
عرفناك من الاول بيدك انموت
والجناز انته وانته تدفنه
وبدربك مشينه وغمضينه العين
يالبردك دفو وجمرات صار النه
عرفنه انموت بس الماعرفناه
دم اجروحنه !! لجفوفك الحنه ؟؟؟؟
وياك احلام عشنه وبيهه منيت
سويلك جميل وبطل المنه
اخذمن العمروغرف شمتريد
واشعل ذكريات اوياك تشملنه
بس حسرة ابدليلي ..جلمة الليش ؟؟؟
هم جاس الرحم كلبك يجاتلنه ؟؟؟
جم مرة نوينه انعوفك اوحيد
وترد ابدلال اصباك تشغلنه
وبدرب الغشامه انردلك اردود
نقدملك اعذار وانته تعذلنه
عرفناك الغشيم ابدربك ايفوت
وبدربك ثبتنه وابد ماملنه
ردناك من الاول بيدك انموت
والجناز انته وانته تدفنه !!!!!!!!
***** بقلمي *****
