-
استقالة وزير الكهرباء..عاجل..زهير العقابي
بين واعي وبين فاقد مر عليه الخبر عاجل
احد ازلام الحكومه احترم نفسه وكال راحل
سلم من غضبة حليم وبقراره اتضح عاقل
العراقي التهب ذاته ومن عرينه كام قاتل
وقرر ايهد المعابد وانه اعرفه اشكثر باسل
ويا هبل سحكوك والله والسره للات واصل
وجت الغيره بنادق والكصص عركت قنابل
وصاح ابن البصره صيحه هدت اركان المنازل
والشهيد اعيونه تضحك زفته اصوات الهلاهل
صرخ ابن الصابرات علظلم هل من منازل
هذا سيف حسين بيدي وانه جف عباس حامل
ثورة الحق عل الضلاله ومانخلي اليوم جاهل
وخضرت كاع البطوله وضحك ورد الجان ذابل
ولعلت روسه اعلى زرعي لابد اتحشه المناجل
انولد ثوب اسمه عداله وبعد ما تطلك حوامل
صرخ بوق الحق ينادي ايريد شعبي انسان عادل
صرخ بوق الحق ينادي ايريد شعبي انسان عادل
العراقي المايله بصبره عدلها
حسب زلاتها وبطل عدلها
حكم الدنيا من يضبط عدلها
بس ابن العراق البيه حميه
السلام على الشهداء..
وعلى ارواحهم الطاهره.
استقالة وزير الكهرباء..هي بداية النهايه لكل من استخف بحرمة اهل العراق.
شهداء انتفاضة الكهرباء دماءكم دين في رقاب كل العراقيين ..فلنجعل من دمهم مشعلا يضيء طريق الثائرين..
بقلمي
زهير العقابي
-
رد: استقالة وزير الكهرباء..عاجل..زهير العقابي
الله عاشت ايدك احساس جميل
-
رد: استقالة وزير الكهرباء..عاجل..زهير العقابي
مشكور اخي زهيرالعقابي ولاكن علمي بك شاعر حساس جدا فلماذا هذه الغه العنيفه في قصيدتك وايظا انالم اسمع بثورة الكهرباء حدعلمي لم يتظاهر احد على الكهرباء ارجو الرد على تسائلاتي
-
رد: استقالة وزير الكهرباء..عاجل..زهير العقابي
اقتباس:
المشاركة الأصلية كتبت بواسطة ابوشامه
مشكور اخي زهيرالعقابي ولاكن علمي بك شاعر حساس جدا فلماذا هذه الغه العنيفه في قصيدتك وايظا انالم اسمع بثورة الكهرباء حدعلمي لم يتظاهر احد على الكهرباء ارجو الرد على تسائلاتي
ابو شامه
الله اعلم
-
رد: استقالة وزير الكهرباء..عاجل..زهير العقابي
السلام عليكم
اخواني الاعزاء
اخواتي..
قد تصل تفاهة الانسان الى مراحل الاستهزاء
لكن ان يستهزيء بدماء ابن شعبه
فهذا وحده عار..
نعم الذي لا يحزنه حزن اهل بلده
والذي يحسب نفسه ذكيا ومتحاذق
لا لشيء الا ليستظرف دمه
اقول له..سلاما
ولا تستحق والله ان تكون انسان
لانك غير ذلك
زهير ناصر العقابي
-
رد: استقالة وزير الكهرباء..عاجل..زهير العقابي
ايدي على ايدك ولكن اقول
لقد اسمعت لو ناديت حيا ؟
شكرا لك اخويه زهير عاالقصيده الرائعه
دمت بخير واتمنى لك التوفيق 0
-
رد: استقالة وزير الكهرباء..عاجل..زهير العقابي
اخي العزيز لماذا هذا الهجوم الكاسح انت شاعروكلك حساس جميل وانالايقال لي سلامابس اريداسال
الخوه في النتدى هل في كلامي مايشين اويجرح اويمس قصيدتك الخاليه من اي صوره شعريه هي كلام منظوم كلاسيكي قديم ممكن اي واحد ينظمه ويدعي انه شاعراراك بود ومحبه وتقدم ورفعه
-
رد: استقالة وزير الكهرباء..عاجل..زهير العقابي
العقابي\ رائع انت وقصيده رائعه تحياتي اليك
وردي الى الاخ ابو شامه
ارد اسألك يابو شامه
ظهر يومك هم تنامه؟
ان جان راضي بهل المهانه
كلي جا وين الكرامه؟
ولو كلتلي لنه راضي
فعلى الدنيه السلامه
اخي ابو شامه المظاهرات قائمه على قدم وساق (ليش وين انته)بالخضراء لو بالقطب الشمالي
تحياتي اليك
-
رد: استقالة وزير الكهرباء..عاجل..زهير العقابي
اقتباس:
المشاركة الأصلية كتبت بواسطة زهير العقابي
بين واعي وبين فاقد مر عليه الخبر عاجل
احد ازلام الحكومه احترم نفسه وكال راحل
سلم من غضبة حليم وبقراره اتضح عاقل
العراقي التهب ذاته ومن عرينه كام قاتل
وقرر ايهد المعابد وانه اعرفه اشكثر باسل
ويا هبل سحكوك والله والسره للات واصل
وجت الغيره بنادق والكصص عركت قنابل
وصاح ابن البصره صيحه هدت اركان المنازل
والشهيد اعيونه تضحك زفته اصوات الهلاهل
صرخ ابن الصابرات علظلم هل من منازل
هذا سيف حسين بيدي وانه جف عباس حامل
ثورة الحق عل الضلاله ومانخلي اليوم جاهل
وخضرت كاع البطوله وضحك ورد الجان ذابل
ولعلت روسه اعلى زرعي لابد اتحشه المناجل
انولد ثوب اسمه عداله وبعد ما تطلك حوامل
صرخ بوق الحق ينادي ايريد شعبي انسان عادل
صرخ بوق الحق ينادي ايريد شعبي انسان عادل
العراقي المايله بصبره عدلها
حسب زلاتها وبطل عدلها
حكم الدنيا من يضبط عدلها
بس ابن العراق البيه حميه
السلام على الشهداء..
وعلى ارواحهم الطاهره.
استقالة وزير الكهرباء..هي بداية النهايه لكل من استخف بحرمة اهل العراق.
شهداء انتفاضة الكهرباء دماءكم دين في رقاب كل العراقيين ..فلنجعل من دمهم مشعلا يضيء طريق الثائرين..
زهير العقابي
ايها الوطني الثائر
شاكرة لك .. هذة المتعة التي أمتعت
بها تراتيل ارواحنا..
وفي انتظار نزف حبرك القادم .. بكل شووق .
تستحق التقييم
لـ عمقك جليل التقــدير
بنت القمر
-
رد: استقالة وزير الكهرباء..عاجل..زهير العقابي
اخي الشاعر المبدع زهير العقابي
لطالما كان الشعراء وأقلامهم هم اللسان الناطق بأسم الشعب
والتعريف بمظلوميتهم ومعاناتهم
وهي امانه في رقبة وضمير كل شاعر وأديب شريف يحترم شعبه وقلمه
فكل الشكر لك اخي ولأحساسك الرائع
ننتظرجديدك
كن بخير
-
رد: استقالة وزير الكهرباء..عاجل..زهير العقابي
السلام عليكم ورحمة الله وبركاته\حي الله هذا القلم الصادق وعاشت الانامل التي خطة تلك الكلمات كما قلت اخي انها بدايه نهايه المستخفين بحرمه اهل العراق الابطال الرحمه ورضوان لشهاء انتفاضة الكهرباء والجميع شهداء الوطن الجريح
-
رد: استقالة وزير الكهرباء..عاجل..زهير العقابي
تسلملي حبيبي زهير على هذه المعزوفة التي تدل على حسك الوطني الكبير...ولولا احترامي للمنتدى جان جاوبت هذا ابو شرامة!!!!!! بما يليق بامثاله..تحياتي الك يامبدع وانشاء الله هذه بداية النهاية.
-
رد: استقالة وزير الكهرباء..عاجل..زهير العقابي
ارداكلك ياابوسجاد الركابي اخرحرفك كائبي
يعني ميهمني كلامك يا000 المعنه معروفه شبابي
ولاتطاول عل كرامه اني يالراعي عراقي
-
رد: استقالة وزير الكهرباء..عاجل..زهير العقابي
الاخــوة الشعراء
اخواني الاعضاء
ارجو ان تكون الردود بعيدة عن التشنج والتلفظ بالفاظ غير مقبولة
ولايسمح بأن تخرج الكلمات والردود عن الذوق العام
واي رد مخالف سنضطر آسفين الى حذفه بأمر من الإدارة
مع تحياتي لجميع الاخوة
-
رد: استقالة وزير الكهرباء..عاجل..زهير العقابي
بصراحة اود ان احييك من كل قلبي
على هذا النبوغ الشعري الارتجالي الذي تتحلى به
فقد اسست لنا كلمات رائعة حوت كل معاني الثورة والصدق وبيان الحقيقة ...
وهذا ما عوتنا عليه دائماً يا شاعرنا الفاضل الكريم
قرأتها اكثر من مره لاني احس انها تحمل بين طياتها لهيب من شعلت القلب التي لا تبرد
استقال الوزير ولكنه مع الاسف في الوقت الضائع..!
حتى يصبح بطل قومي فيما بعد لانه لم يبقى اقل من شهل وتنحل الحكومة ويروح يشوفلة اي دوله يترف بيها..!!
لان يدري بعد محد يكلبة
حبيبي واستاذي بوركت وطيب الله انفاسك
الحـر ,,,,
-
رد: استقالة وزير الكهرباء..عاجل..زهير العقابي
ابو شامه:انت الظاهر مستفيد فائده كبيره من وزير الكهرباء
ولذلك الكتاب باين من عنوانه
يعني انت مبين من اسلوبك في الرد ومن اخطائك الاملائيه الجمه
لان واقع حكومتنه الرشيده اعتمدت على مثلك
فلا تتطاول وانت ضيف جديد في منتدى ابداع ورقي
كن رشيدا------------------
-
رد: استقالة وزير الكهرباء..عاجل..زهير العقابي
زهير العقابي
كل كلماتك معبره
وقصيده جميله
مزجت بين الفن والابداع
وبين الثورة والضمير
دام يراعك
دمت لنا شاعرا كريما بكلماته وبشعره
تقبل مروري
-
رد: استقالة وزير الكهرباء..عاجل..زهير العقابي
خلي راسك دوم عالي
وصير الاول موش تالي
-
رد: استقالة وزير الكهرباء..عاجل..زهير العقابي
شكرآ لك عالقصيدة الجميلة فعلا احساس جميل
تحياتي صلالالالاح
-
رد: استقالة وزير الكهرباء..عاجل..زهير العقابي
ياريت الباقين يمشون في نفس الطريق خدعو كل العراقيين مع الاسف
علقنا عليهم امال كثيره
عشت يابطل
احتراماتي :8::8::8::8::8::8::8::8::66 (46)::8::66 (46)::8::66 (46)::2::66 (46):
-
رد: استقالة وزير الكهرباء..عاجل..زهير العقابي
ابو طيبه الشحماني
اشكر مرورك
وتواجدك
دمت بود اخي الغالي
-
رد: استقالة وزير الكهرباء..عاجل..زهير العقابي
بنت الاكابر
اشكرك على هذا التواصل
وتواجدكي معي
دمتي بكل خير
-
رد: استقالة وزير الكهرباء..عاجل..زهير العقابي
اياد السنعوسي
حياك الله خويه
اشكر مرورك
دمت بود