لا تجينا..!
چان گـِلت ابوجه الأبيض ... غير معشركم لگينه..
وجينا مشتاگين ... وبلهفه..
وتسد بابك علينه...!
وجينا يدفعنا الهوى.... ودمعاتنا اتگطـِّر بدينه...
وچنت أظن عـدَّك وفى..
وروحينا من فرد طينه..
أعتب اعلى الروح...
چي لنها اعلى شوفتكم حنينه..
وأعتب اعلى الشوگ ...
والعشره وسوالفها الحزينه..
عَـلـَّمتني...
إشلون يتبرَّه الخَوي...
وحمل اليگع محَّد يعينه..
عفيه صحبة هلوكت ..
بيها اليجافي ... إشوكح عينه...!
* *** *
اولا تجينا...!
اوما اجيكم ... وليدگ بابك بعد تنشل يمينه..!
اوجينا ... مدري الچدم زل بينا اعلى دربك...
لو عمينه ....
وجيت أرد روحي....
البگت سنتين بديارك رهينه..
... او چنـّي ضيف..!
اوعادت الينضاف للخطـّار يرخص ماي عينه..
* *** *
وإنته لا چنـَّك رُبيتْ ابماينا اوشارب حَنانـَه
وحتى ضيـَّعت العرف...
يوم الوكت بيدك رُمانَه
ويا عفا اگلوب التشيل الضيـَّم ... وشنحمل عفانه
اوحتى اعز الناس .. من طحنا ابهضم جاروا علينا..
ومن وصلنا البابهم ...گالوا اشجابك..! لا تجينا
وعفيه عشرة هلوكت بيها اليجافي اشوكح عينه..!
* *** *
هذه بعض الردود اولا تجينا...!
اوما اجيكم ... وليدگ بابك بعد تنشل يمينه..!
اوجينا ... مدري الچدم زل بينا اعلى دربك...
لو عمينه ....
وجيت أرد روحي....
البگت سنتين بديارك رهينه http://simod.iwannaforum.com/images/...on_exclaim.gif لاتجينه
يل حلتلك كعدة الغربه الحزينه.
لاتجينه
ولا تودي ادموع مرسومه اعله ورقه
آنه اريد ادموع محفوره اعله طينه؟
لاتجينه
انته اصلك موعراقي لو عراقي
جاعرفت الصار بينه؟؟؟
الشاعر الكبير
عريان السيد خلف
