اذا كفره عشرتك
شحده الباب يوكف لا اكسره الباب ******** بس كونك ترد وترجع الــعشره
شوف البيت اضلم وانه من دونك ******** يتيم ابلا اهل وامبصط بخــــضره
وياحال اليتيم المافرح فد يـــــــــوم ******** خلصت بالمكابر عيشته الكشره
بس عاشور بعدك مااشوف العيد ******** عايش ذني عشرة وخلصا"عـشره
مثل ام الود وامدلل المـــــــــــفكود ******** شكت زيجهه ومانزعت الــوزره
ترست البيت كله بفركتك اشـــعار ******** بس وينه الي يفتح بابنه ويــــقره
طشن ذكرياتك ترسن الحـــــيطان ******** والغرفه انملت واغراضي متكتره
رتك بس تجيني بعينك انته تشوف ******** فوك الباب اوف وعالكتب حســـــره
يل عايف جرح ليليه الك ملجــــوم ******** وكلبي المنكسر ماينجبر كــسره
جرحي من الجدم واتعده فوك الراس ******** خلص خيطنه ومانفعت الابره
عطرك عالمخده وتارس الحصران ******** غير الي يلملم هم يم عــــــطره
اذا كفره عشرتك واليحب مــــذلول ******** اني اول ذليل واقبل الكـــــــفره
*********************
من ذاكرتي
( طه طعمه العكيلي )
