مجلس الوزراء وحجي راضي وعبوسي

السلام عليكم ورحمة الله وبركاته
منو بيكم وخاصة العراقين ما يعرف حجي راضي وعبوسي في مسلسل تحت موس الحلاق والاحداث التي يتطرق اليها وكيف اصبحت مفردات بعض من حلقات المسلسل على كل لسان وحد وصوب
و المقولة الخاصة بالمقطع الذي يقراء فيه الحاج راضي رسالة الطالب الذي يدرس في الهند وبعثها الى امه
عندما يقراء الحاج راضي العبارة التالية
آآآه ديكي آزكي نحباني للو ولا تيفو وسازو دكم بصوزة....)
والمصحح والمنقح اللغوي عبوس
http://up.foraten.net/uploads/a5e3173c93.jpg

ـ ـ ـ ـ ـ ـ ـ

اي ابو كاطع شنو السالفة اشو انت كاعد تكتب في المنتدى السياسي على الدراما
العراقية والمسلسلات لازم تيهت القسم الخاص بالموضوع
عمي على كيفيكم
اليوم
اطلعت على كتاب صادر من
الامانة العامة لمجلس الوزراء
العراقي طبعا قابل مال جزيرة تمر هندي
طبعا
الامانة العامة لمجلس الوزراء العراقي الموقر
وتذكرت الحاج راضي فتصورت انها مقدمة لمسلسل جديد ومن تقديم الحاج راضي والاستاذ عبوسي
لكن الشغلة طلعت غير شكل
شوفوا الكتاب وانتم تعرفون شني السالفة
http://up.foraten.net/uploads/24c1c55cec.jpg

السلام عليكم
اخي العزيز
ادخلت البهجه الى قلبي وانت تذكرني بحلقات تحت موسى الحلاق
وانتزعة هذه البهجه عندما عرضت على الساده القراء
كتاب مجلس الوزراء
( فلو كانو مشغلين عرضحالجي جان ماغلط هيج والظاهر الجماعه مستعجلين لان بيها كطعان رزق لغير حملة البكلوريوس...واذكركم بموقف حجي راضي لمن جان بالصف وجان ابو ضويه يشكي للمعلم على تصرفات زوجته ام ضويه وشلون جانت خابصته على العبايه...جاوبه حجي راضي وبكل برود وثقه....طلكها....اجابه دبلوماسيه لحل قضيه كبيره...اتمنى من السياسين ان يتحلو بدملوماسية حجي راضي)
ابو كاطع
كنت مجهرا عراقي
وبضمير حي اصددتهم
بارك الله فيك
تمنياتي لك بالخير والسلامه

السلام عليكم .. في طبيعة الحال الاخوان في رئاسة الوزراء ومنهم الذين يعملون في الذاتية هم ناس اعاجم تيهوهة للعربية وقواعد اللغة واهتموا في الفارسية والفرنجية .. حقهم لانهم مو عرب

وعليكم السلام ورحمة الله وبركاته
حياك الله يا ابو كاطع يالكاطعهم كطع :20:
والله فضيحة ما بعدها فضيحة

وين اخونا الغروب يجي يشوف الاخطاء الإملائية وين واصلة ..!؟
اذا هي من فوك خايسة :3:
لعد هانت مصيبتي ...:2:
لان من راى مصيبة غيره هانت مصيبته..!؟

وينه عنهم حجي راضي الحلاق ويجي يشوفهم اهل الوزارة الجدد ...


بارك الله بيك وحماك الله ياعراق:66 (46):

العتب مو على الي طبع الكتاب لان الظاهر جان مرتبط بموعد غرامي ويمكن الدوام منتهي عندة والاخ مستجعل , بس العتب على الي طلع من جوا ايدة الكتاب ووقع عليه واذا ندقق هسة يطلع ماخذ شهادة دكتوراه .

الف الحمد لله والشكر (حصرا)

مشكور ابو كاطع

صياد ابو كاطع الوردة
حياك الله ايها الرقيب اللغوي
والله انتة مترجم بارع هاي الترجمة على اصولهه
انتة اضبط من حجي راضي وعبوسي
اسعدني بل يسعدني دائما ان أقرأ كل ماتكتبه
دمت ودامت لنا اطلالتك التي تحاكي
فيها كل مايمس الواقع
دمت بحفظ الله ورعايته
تحياتي

عاشت ايدك
عيني ابو كاطع
والله مع الاسف ادري هذا الكتاب جم واحد مر عليه
يمكن صدك مو عربي هذا الموقع تحت الكتاب اي حقهم
الكل تبعية ؟؟؟؟؟؟
مشكور عيوني
وبارك الله بيك
ومانكول شي غير الله كريم

اخي الحبيب
ابو كاطع
عادة لا تستهويني السياسة لكثرة دهاليزها ومتاهاتها
ولكن عند قراءة عنوان الموضوع استغربت
فدخلت للاطلاع
:3::3:
وهنا كانت الطامة الكبرى
فضيحة اخرى .. من الفضائح التي لا تعد ولا تحصى
والذي يؤلمني ... اننا بلد عربي صاحب اقدم حضارة في التاريخ
وصاحب ثاني اكبر دولة بالعلماء على مستوى الوطن العربي

فاين نحن من عروبتنا ؟؟؟؟
مجرد تساءل

تحياتي لطرحك المميز
وبلا تعليق اخر
دمت بود

http://up.foraten.net/uploads/24c1c55cec.jpg


مع تحياتي وتقديري لصاحب الموضوع المحترم

اولا انا اطالبك بالنسخة الاصلية اذا امكن

ومن اي مصدر حصلت عليها اخي الفاضل

الا تلاحظ ان في النسخة المصورة وجود تلاعب

ونسيت ان هناك برنامج الفوتو شوب

الذي يحول الالف الى راء
اخي العزيز ان كنت واثق بهذا المصدر

اطالبك بدليل قاطع

على صحة هذا الكتاب

ونحن في بلد يكثر فية المزورون

مع تحياتي للجميع الذين ساهمو بالردود
ولصاحب هذا الموضوع

اخواني الاعزاء

ارجو الانتباه الى صورة الكتاب

حول المؤشر بالون الاحمر

وارجو ملاحظة القص والدبلجة في صورة الكتاب
مع التقدير

http://up.foraten.net/uploads/7f73e75055.jpg

السلام عليكم ورحمة الله وبركاته
الاخ المحترم ابو كاطع... اولا احيي فيك روحك الوطنيه
ثانيا لدي عتب صغير لك ولجميع من سيقرأ ردي
اخوتي بالله لااعتقد انه يوجد بيننا من هو امي واقصد بالامي الجاهل وليس من لايعرف القراءه والكتابه
فنحن والحمد لله في بلد اصبح التعليم فيه الزاميا ولا اعتقد من يوجد بيننا من هو لايعرف القراءه والكتابه
اما الجاهل فهو من يجهل امور الحياة ... وكلنا يعلم بأن هذه الحياة مستمره وفي تطورات هائله
والحمدلله ايضا ان التطور وصل بنا الى نواحي متعدده منها السليم والذي يخدم البشريه
ومنها السيء والعياذ بالله الذي يحطم البشريه
ومع علمنا وتيقننا بان الطريق السيء هو الاسهل لذلك كلنا نصدقه لسهولته
اخوان حقيقه انا دخلت مرتين الى هذا الموضوع
المره الاولى حين شدني العنوان ودخلت...
صراحة في البدايه تحمست وقلت في نفسي معقوووووول اكو هيج شي بالوزارت؟؟
زين حتى لو فرضنا بأن كاتب الكتاب هو انسان ضعيف لغويا
لكن الشيء المتاكده منه ان اي كتاب رسمي قبل ان يدخل للوزير لابد من تنقيحه من قبل مختصين ؟؟
وحتى وان فرضنا ان المنقحين هم منقحين( كلاوات )
ايضا سيمر الكتاب لسكرتاريه الوزير وسيقرأه السكرتير قبل ان يعرضه على الوزير
وان فرضنا ايضا بان السكرتير هو جان يبيع نفط سابقا .. او صاحب جمبر جكاير والله وفقه واشتغل بالوزاره لان الوزير يصير خال مرته هذا كله فرضا
هم من يوصل الكتاب للوزير رح يقراه خو مو وهو مغمض يوقع عليه

هنا وصلنا للي نريده

هذوه كلهم الي مر عليهم الكتاب قبل ليوصل للوزير خلي نكول كلاوجيه بصريح العباره
زين الوزير برأيكم هم كلاوجي ؟؟
يعني شهادته منين جابها شتتوقعون من سوق ميريدي مثلا؟؟؟

يابه هذا ماطلع بلد

اذا كل وزرائنا كلاوجيه وجايبين الشهادات من سوق مريدي
واذا هيج سوق مريدي سهل والواحد بسرعه يكدر يجيب شهاده ويكول اني دكتور

الله يخليكم اذا واحد عنده عرف بسوق مريدي المحترم بلكي يجيبلي شهاده دكتواره بالهندسه
لان شايله همها

يااخوان اسفه اذا طولت لكن الي بهذا الكلام قصد

اني مرديت على الموضوع بالمره الاولى لان الصراحه شكيت بالوضع
لان كل الي حجيته الكم اعلاه اجه في بالي قبل لا ارد

وبما انه اني مو خبيره بالفوتوشوب مكدرت احجي
لكن من قريت رد الاخ كريم موسى

واني اعرف بمصداقية كريم موسى واعرف مدى براعته بالفوتوشوب
واي انسان يعرف بأمور الفوتوشوب اكيد رح يكدر يعرف اذا جان اكو تلاعب او لا
وحقيقه دورت هوايه بامور الفوتوشوب وتيقنت انه من السهوله جدا التلاعب بهيج امور

واكيد القصد من وره هاي الامور كولها هو البلبله لااكثر ..

فيااخوان لتصدكون كولشي يمر عليكم

صح الروح الوطنيه موجوده لكن رب العالمين انطانه عقل والحمدلله ونكدر نميز بين الصح والغلط

وحرام نظلم احد لان احنه جربنا الظلم وشفناه

اخي ابو كاطع اذا جانت النسخه الاصليه عندك اعرضها

او تنطي اسم المصدر الي جبت منه الخبر
حتى نكون على بينه ويطلع الحق

عذرا لاطالتي في الكلام
لكني عراقيه اولا واخيرا وحقيقه اخذتني الغيره على الي يصير بوطني
تحياتي لكم وشكرا لسعة صدوركم

شكر ا الك
اخي الغالي
على التوضيح

السلام عليكم ورحمة الله وبركاته
طبعا الموضوع الذي يتم تنزيله في المنتدى يكون محل ثقة لان العضو ثقة ولهذا يتم الرد على موضوعه لاننا متأكدين من مصداقيته
فالعضو المحترم ابو كاطع محل ثقة والاخ الزبيدي ايظا محل ثقة ومتأكدين من مصداقيتهم ولا نستطيع الجزم حاليا بمدى صحة الموضوع بعد كلام الاخ كريم الزبيدي فلا يسعنا سوى ان ننتظر رد الاخ ابو كاطع ليقوم بتوضيح الصورة
وعليه فنحن بأنتظارك اخ ابو كاطع لتوضيع الموضوع
مع احترامي وتقديري

عزيزتي البتول ... اني وياج واني مدااشكك بمصداقية الاخ ابو كاطع بالعكس
الاخ ابو كاطع لو ماخذته الغيره على وطنه مينزل هيج موضوع مو صحيح؟؟
وبعدين اني متأكده ان النسخه الاصليه مو عند ابو كاطع وانما الموضوع اخذه من مكان ما
طلبنا هو اعطائنا اسم المصدر او اذا جانت النسخه الاصليه موجوده فهذا خير وبركه

شكرا لسعة صدوركم
تحياتي للجميع

انا لا ادري الى متى هذا الطعن في جسدك الجريح
يا ايها الحبيب
يا عراق
الا يكفيهم ما بك من جراح ونزف ... !

بسم الله الرحمن الرحيم

اغاتي اشكركم جميعا
واسف كل الاسف لاني تاخرت في الدخول وقد يفكر البعض اني لم ادخل بعد ان طالبتم بحقكم
لكن

اود ان اشرحلكم فد شي بسيط رجاء
لو اطلعتم على الموضوع وشاهدتم العبارة التالية


اطلعت على كتاب صادر من
الامانة العامة لمجلس الوزراء

اني لم اقول النسخة موجودة عندي

واني لست جهة رسمية لكي اقدم لكم صحة صدور

ولست متفنن في عالم الانترنيت

ولست متمرس في برامج الفوتو شوب

ولست من يرغب ان يجرح في جسم العراق

وانما اطلعت على الكتاب عندما بعثه لي برسالة خاصة
احد الاخوان
اذا تحبون انطيكم اسمه ورقم موبايله بالعراق
واذا
تريدون ان اعطيكم الرسالة الخاصة

ما عندي مانع
ثم هذا الكتاب موجود في احد المواقع العراقية ومنشور وعليه موضوع يشرح وضع حال العراق لكن باسلوب
على كول اخوانا المصرين
بالمفتشر
وبالعراقي
طك بط وعلى المكشوف
فيا اخوان
ان كانت كتاباتي تزعجكم و تريدون مني ان ارفق بها النسخ الاصلية
فاني سوف افكر في ذلك مستقبلا عندما اكتب ان كتبت مستقبلا في منتداكم الموقر
يجب ان اجهز النسخة الاصلية او المصوره وابعثا لمن يريد
في الختام
ادعوا لكم بالنجاح

الف شكر اخي الغالي ابو كاطع على هذا الرد

اقول لك

نحن فقط نبحث عن المصداقية والحقيقة

وان هذا الكتاب ليس فية اي مصاقية مع الاسف

وارجو ان تتقبل كلامي وتأخذ الامور بروح رياضية

ونحن لاننزعج من كتاباتك بالعكس
نحن نحترم الرأي والرأي الاخر
مع فائق تقديري واحترامي

ابو كاطع حبيبي
معقوله هذا الكتاب
والله مااصدك
بس هذه الحكومه كلشي يحصل منها
تقبل مروري

:2::8::66 (46):حياك ياابوكاطع والله تعبنا من هاي الحكومات التعبانه شوكت نرتاح ماادري بس انكول الله كريم
مشكور على الموضوع
ونتمنا حكومه اتفكر بهذا الشعب المضلوم

ههههههههههههه
لك التحية من قلبي
ابهجتني هذه الترجمة قدر ما احزنتني على واقعنا الماساوي
لك التحية