هل بالامكان ان تفعليها لزوجك

السلام عليكم ورحمة الله وبركاته




هلو


هل بالامكان ان تفعليها لزوجك




اذا انتي ربة بيت ماتشتغلين كاعده بالبيت تشتغلين بس بالبيت وزوجك يطلع من
الصبح يشتغل ويرجع تعبان المغرب ورجله تعبانه
ومن رجع كال الج اريد يوميه من ارجع اتجيبين سطله بيها ماي وملح واطكطكين اصابع
رجليه لانه تعبان والله من الشغل وانتي ترحين تجبين السطله الي بيها الماء الدافي مع
الملح وتكعدين بالكاع كدام رجله وهو يحط الرجل مالته بالسطل وتبدين تعزفين على البيانو
على اصابع وقدم زوجك التعبان لاجلك ولاجل اطفالك

بس مو تكعدين كدامه بالكاع وانتي لابسه دشداشه بازه سوده وبراسك ربطه
عبالك كاعده تحلبين هايشه وريحتك تطرد الاحتلال من العراق لا تلبسين شيفون احمر مكشوف الذراع وقصير
الطول وبشعرك قراصه بيها فراشات اتكمز وطبعا لا نسى المكياج الصارخ
مع عطر من عطور الحلوه وياحبذا من اجل زوجك تحطين بحلكج علج وتعلجين
ومن اطكطكين اصابع رجل زوجك اطكين بالعلج وياها يعني طكة اصبع رجل وراها
على التوالي طكة علج من حلكج وتعلجين وياحبذا ومن اجل الوحده الاسلاميه بين
السنه والشيعه ياحبذا وياها نظرات من عيون وقحه على زوجك وانتي اطكطين اصابع
قدم زوجك وكله من اجل الوطن تره مو من اجل صالح المطلك

هسه هاي ام سعدون كل مايرجع زوجها من الشغل عمت عيني يرجع تعبان ومرات
يرجع شايله اربعه لانه يصير بيه اغماء من التعب يشتغل شغل المطي يطلع من الصبح
يرجع بالليل هو يشتغل يلزك صور مال رؤساء الكتل السياسيه في العراق يتفل على الحايط
ويلزك الصوره انواع الصور ابو رباط وابو عمامه وابو عكال وابو كذله كل الرؤساء الكتل السياسيه شكد يلزك صور باليوم مايلحك خلصنه من واحد
هسه مليون واحد طلع وكلها تريد مصلحة الوطن والمواطن يعني ماكو واحد كلب ابن كلب
مايريد مصلحة الوطن كلها تريد مصلحة الوطن عفي وطن شكد محبوب

المهم يرجع تعبان وتلكه مرته ام سعدون واكفه بالباب شايله السطل بيه الماي الدافي
وحاطتله ملح بس شلون ملح مدري مني تجيبه ملح بيه ملوحه شكد دورت عليه هذا
الملح ابو الملوحه بس مالكيته




المهم هل تفعليها لزوجك وتجبين سطلة الماي وتسوين رجله وهو كاعد على الكرسي
وانتي على الكاع اكباله وتفركين رجله سواء كنتي هسه متزوجه لو بالمستقبل

ههههههههههههههه

موضوعك يا اخ عامر يمكن على الجيل الحالى جديد من نوعه

لان اعتقد ان هذا الشيئ ماعاد موجود فى هذا العصر

كنت اشاهده فقط بالافلام القديمه ايام سي السيد وامينه

ولكن اذا طلب الزوج من الزوجه ان تفعل هذا ما المانع

وخصوصا اذا كان متعب بجد

اعتقد انه شيئ طبيعى وليس فيه اى عيب او مانع

ولكن الحمد لله الازواج اليوم حتى ولو كانوا متعبين فهم يتحملون الكثير ولا يطلبون هذا الطلب

شكرا اخى عامر لطرحك المميز

تقبل خالص تحياتى

الله يرحم ايام سي سيد يعني انتهت هذيج الايام الحلوه يانور

هسه الجيل الجديد ما عدهم هاي التقاليد التعبان خطيه الرجل

هههههه تحياتي الك ياغلى نور على المداخله الرائعه بروعتك

تقبلي اجمل تحياتي

ههههههههههههه
أدري أشعنده مكلفني خو ميروح للحمام يغسل ويفضها

مشكور أخي عالطرح
اكيد كل زوجه اتقدر زوجهاوتنفذ طلابته واعتقد طبعا هذا من واجبها مثل ما هو واجب العمل

تقبل مروري مع خالص تحياتي

أعتقد أن موضوعك سياسي أكثر من كونه
موضوع إجتماعي يخص ناحية من نواحي الحياة
ههههههههههههههههههههههههههههههههههه
عموماً موضوع طريف جداً يتمتع القارئ
وهو يقرأه
ويا نساء من حق الزوج أن يُدلع من قبل زوجته
هههههههههههههه
خاصة بعد عودته من العمل وهو يحمل
(علاكة) الطماطة
تحياتي لابن كربلاء

الرائعه المهاجره ليش مو انتي جيبله الطشت وتغسلين رجليه

شيصير مو لو مومو ههههههه تحياتي الك يلغاليه

وشكرأ لمرورك الرائع

اخي الغالي النورس هو ماكو فرق بين السياسيه والنسوان

اثنيناتهم يشلعون القلب ههههههههههه

تسلم اخي العزيز على المداخله الرائعه

بروعتك ربي يخليك ياغالي

ههههههههههههه صدك هالرجال يريد يجيب لزوجته قرحه مااعتقد اسويها الا يوم واحد وشكرا لموضوعك الرائع

يايوم هذأ ها احجي يوم ؟؟؟؟؟؟؟؟؟ ههههههههه تحياتي الك يلغاليه

ربي لا يحرمني طلتك