ماذا تفعلين اذا زوجك يشخر وهو نايم

السلام عليكم ورحمة الله وبركاته





ماذا تفعلين اذا زوجك يشخر وهو نايم


ماذا تفعلين هل هي قسمتج السوده المصخمه زوجك نايم يمك ويشخر

مشكله اذا زوجك يشخر وهو نايم يعني شنو الوحده نايمه يم واحد بالليل
يسوي صوت مثل صوت الباخره من اطلع صوت قبل ماتتحرك من تسوي
طووط طووط صعبه هسه ياريت يشخر ربع ساعه ويسكت لا
اول مايغفه الى مايكعد الله يساعد المتزوجه واحد يشخر بالليل


هاي ام عباس الله يذكرها بالخير هسه هي جاي تتعالج في مركز مال الصم والبكم
فقدت نعمة السمع بسبب شخير زوجها ابو عباس يعني شكد حاولت حطت النعال
بخشمه وهو نايم ومافاد نامت جوه السرير وهو فوك السرير ومافاد راحت يم الجوارين
نامت مافاد
زوجها ابو عباس وصل شخيره للجوارين


خطيه راح نامت جوه البلوعه مال بيتهم النوبه صوت الشخير يفوت من الفتحه مال المقعد
مال التواليت مالتهم ويروح للمجاري ومن المجاري الى داخل البلوعه النوبه ام عباس
كالت ما انام بالليل انام الصبح من يطلع ابو عباس للشغل النوبه الرنين مال صدى الشخير
مال ابو عباس بعده يتردد الموجات مالته بالغرفه مال النوم


عاد لكت ماكو حل الا تتطلك شخير مو طبيعي والنوبه صوته مو شخير عادي عبالك
صوت سياره مفخخه من تنفجر حتى مره قناة الجزيره نقلت خبر عاجل عاجل انفجار
في مدينة الصدر بس قناة العربيه كالت لا هذا مو انفجار انما ابو عباس فات نام وبده
يشخر يعني حاله تعبانه الله يساعدها ام عباس وحده من طبلات الاذن مالتها صار بيها
زرف الاوزون مثل الزرف بطبقة الاوزون رادت اتخيطه الطبيب كال مايفيد لانه اذا اتخيط
من ابو عباس ينام راح ينفتك الخيط ماكو حل الا تخلين طبلة اذن مال ديناصور او تحطين
ميز مو طبله باذنج


اني نصيحتي كل زوجه زوجها يشخر بعد لا تنام يمه ابدا صح الموقف صعب وهذا زوجك
حبيبك وماتكدرين على فراكه الي يسمع يكول مزوجه وائل كفوري هو تلكيه واحد امصلبخ
اسمر اجلح املح

وهسه شنو شعورك ابو جهال الله يسامح يشخر

والله هو الموضوع اشبه مايكون بفكاهي
وليست نقاشي
بس اني بالنسبه الي ارشده للدكتور واذا مطاب
ازت لأمه لأن ماااااااا الي أي خلك
تسلم اخي
تقبل مروري

أول شيء أضحك الله سنك للإسلوب الفكاهي في الطرح
وثانيا ً :هذا مرض بالتأكيد ممكن أن يبحث له عن علاج
بس تبي الصدق والله مشكله إذا مزعج وماراح أقدر أنام
الحل كل واحد ينام في غرفه ههههههههههه
أو إنه واحد ينام في النهار والأخر في الليل
هههههههههههه ترى أمزح

لابد من إيجاد حل لتلك المشكله الذهاب لأهل الإختصاص
ومحاولة حل المشكله وإذا مافيه أمل في ذلك
تحتسب الزوجه هذا العيب الذي في زوجها وتصبر
يعني بتكون مجاهده وأنا أشوف هذا من صالحها
لكي لايلتقط عيوبها يعني يسكت ويصير مافيه أحد أحسن من أحد
هذا إذا كانت فيها عيوب
(رحم الله النساء كم هنّ مجاهدات وصبورات )

شكرا لك
العنود

ههههههه حلوه مال ازته لامه زين تسوين المهاجره

لعد شسويله

تسلمين يلغاليه على اجمل مرور ربي يخليك

اختي العنود هو على شنو مجاهدات هو الرجال يشخر قابل

يضرب صواريخ هههههههههههههههه

تسلمين اختي العزيزه وان اشاء الله دوم الضحك

الرجال دائماً
والنساء ألا يشخرن
بالعكس النساء كثيرات الشخير
وكثير من الرجال ينامون كل ليلة على معزوفات
بتهوفن التي تصدرها أنوف زوجاتهم
ههههههههههههههههههههه
أعتقد بأنه لا حرج على المريض
وطوبة للمرأة التي ترضى بزوجها على عيوبه
شكرا اخي موضوع طريف يحمل بين سطوره حكمة

لا حتى لو رجل يشخر هم من وراء المرأه هههههههه

تحياتي الك اخي العزيز النورس على المرور

ههههههههههههههههههههههههههه لاتعليق

شكرأ الك ولطلتك اختي بت البحرين